دونوں گھروں کا لطف جداگانہ مل گیاکعبے سے ہم چلے تھے کہ بت خانہ مل گیا
ساقی سے یوں ثبوت کریمانہ مل گیاپیمانہ میں نے مانگا تھا مے خانہ مل گیا
دل کیوں نہ ہم فروخت کریں اس یقین پرقیمت بھی اب ملے گی جو بیعانہ مل گیا
ساقی کی چشم مست ادھر آج اٹھ گئیہم کو ہمارے ظرف کا پیمانہ مل گیا
کرنی پڑی نہ اور کہیں جستجو مجھےکعبے ہی کے حدود میں بت خانہ مل گیا
محشر میں دیکھ کر انہیں یوں شاد ہو گئےگویا ہمیں نجات کا پروانہ مل گیا
مل کر بھی جل گیا کہ بچا یہ نہ پوچھیےاتنا ہوا کہ شمع سے پروانہ مل گیا
اب در بدر کی ٹھوکریں کھانے سے کیا غرضمجھ کو خدائے کعبہ و بت خانہ مل گیا
اللہ رے چشم ساقی محفل کا لطف خاصسب یوں ہی رہ گئے مجھے پیمانہ مل گیا
وہ خط میں لکھ رہے ہیں تری عافیت نہیںمجھ کو عدم کی راہ کا پروانہ مل گیا
اے سالکان جادۂ عرفاں بڑھے چلوبت خانہ مل گیا تو خدا خانہ مل گیا
توقیر عشق خاک اڑانے سے بڑھ گئییہ ہے غلط کہ خاک میں دیوانہ مل گیا
پائے عروج کیوں نہ ہماری فروتنیپھولا پھلا وہ خاک میں جو دانہ مل گیا
جوش جنوں کے واسطے اب کچھ نہ چاہئےویرانے کی تلاش تھی ویرانہ مل گیا
پیمانہ و سبو کی ضرورت نہیں رہیمجھ کو مزاج ساقئ مے خانہ مل گیا
مرقد سے کشتگان محبت نکل چکےاب حشر تک کے واسطے کاشانہ مل گیا
معلوم ہم نے کر لئے اسرار حسن و عشقتقدیر سے اگر کوئی دیوانہ مل گیا
رکھ لی خدائے عشق نے جوش جنوں کی شرمگھر سے نکلتے ہی مجھے ویرانہ مل گیا
وہ کہہ گئے کہ پھر کوئی طوفاں اٹھائیےاے نوحؔ مجھ کو شغل قدیمانہ مل گیا
— نوح ناروی
Donon gharon ka lutf judaagaana mil gayaKa'be se hum chale the ke but-khaana mil gaya
Saaqi se yun saboot-e-kareemaana mil gayaPaimaana main ne maanga tha mai-khaana mil gaya
Dil kyun na hum farokht karein is yaqeen parQeemat bhi ab milegi jo bayaana mil gaya
Saaqi ki chashm-e-mast idhar aaj uth gaeeHum ko hamare zarf ka paimaana mil gaya
Karni padi na aur kahin justuju mujheKa'be hi ke hudood mein but-khaana mil gaya
Mahshar mein dekh kar unhein yun shaad ho gayeGoya humein najaat ka parwaana mil gaya
Mil kar bhi jal gaya ke bacha yeh na poochhiyeItna hua ke shama se parwaana mil gaya
Ab dar-ba-dar ki thokrein khaane se kya gharazMujh ko khuda-e-ka'ba-o-but-khaana mil gaya
Allah re chashm-e-saaqi-e-mahfil ka lutf-e-khaasSab yun hi reh gaye mujhe paimaana mil gaya
Woh khatt mein likh rahe hain teri aafiyat nahinMujh ko adam ki raah ka parwaana mil gaya
Ai saalikaan-e-jaada-e-irfaan badhe chaloBut-khaana mil gaya to khuda-khaana mil gaya
Tauqeer-e-ishq khaak udaane se badh gaeeYeh hai ghalat ke khaak mein deewaana mil gaya
Paaye urooj kyun na hamari farootniPhoola phala woh khaak mein jo daana mil gaya
Josh-e-junoon ke waaste ab kuch na chahiyeWeeraane ki talaash thi weeraana mil gaya
Paimaana-o-saboo ki zaroorat nahin rahiMujh ko mazaaj-e-saaqi-e-mai-khaana mil gaya
Marqad se kushtagaan-e-muhabbat nikal chukeAb hashr tak ke waaste kaashaana mil gaya
Maaloom hum ne kar liye asraar-e-husn-o-ishqTaqdeer se agar koi deewaana mil gaya
Rakh li khuda-e-ishq ne josh-e-junoon ki sharmGhar se nikalte hi mujhe weeraana mil gaya
Woh keh gaye ke phir koi toofan uthaiyeAi Nooh mujh ko shughl-e-qadeemaana mil gaya
فرہنگ
تشریح
اس غزل میں شاعر نے کعبے اور بت خانے، مے خانے اور ساقی کی علامتوں کے ذریعے عشق اور مستی کا ایک ایسا لہجہ اختیار کیا ہے جس میں ہر جگہ سے لطف اور مقصد کا حصول نظر آتا ہے۔ مرکزی خیال یہ ہے کہ عشق کی راہ میں ظاہری حدیں مٹ جاتی ہیں اور محبوب کا جلوہ ہر جگہ مل جاتا ہے۔ شاعر کا لہجہ بے خودی اور سرشاری کا ہے، جیسے وہ کہتے ہیں کہ کعبے سے چلے تو بت خانہ مل گیا، یعنی منزل خود ہی سامنے آ گئی۔ ایک نمایاں شعر میں وہ کہتے ہیں کہ جب تقدیر سے کوئی دیوانہ ملا تو حسن و عشق کے راز معلوم ہو گئے۔