فروغ حسن میں کیا بے ثبات دل کا وجودوہ آفتاب یہ شبنم وہ آگ یہ بارود
زہے مدارج و عرفان و لطف بزم شہودہمیں ہیں عبد ہمیں عبدیت ہمیں معبود
وہ بار بار محبت سے ذکر خیر کریںشہید غم کی یہی فاتحہ یہی ہے درود
سواد شام محبت ہے دود بے آتشطلوع صبح تمنا ہے آتش بے دود
بلطف و عیش و نشاط جہاں مشو نازاںدریں سرائے عدم آشنا چہ ہست و چہ بود
نگاہ ناز کے جوہر یہ پائے کیا ممکنفغاں بھی تیغ ہے لیکن ہے تیغ زنگ آلود
اٹھی گھٹا کی طرح چھا گئی فضا کی طرححدود حسن میں تاثیر عشق نامحدود
خدا کے جلوۂ قدرت کا پوچھنا کیا ہےجدھر جدھر نظر اٹھی ادھر ادھر موجود
طریق عشق میں کیوں بار غم اٹھائے نہ دلاسی پہاڑ کے نیچے ہے منزل مقصود
تلے ہیں پھر مہ و انجم مجھے ستانے پردل حزیں وہی اک نالۂ فلک پیمود
غضب ہوا کہ مقدر مجھے وہاں لایاجہاں سکون بھی ناپید لطف بھی مفقود
رہا یہ اپنی حیات و ممات کا عالمکبھی وجود عدم تھا کبھی عدم تھا وجود
نگاہ ناز میں دل کا کچھ اقتدار نہیںاگر ابھی ہے یہ مقبول تو ابھی مردود
حواس و ہوش فرشتوں کے جس سے رہ نہ سکیںفضا میں گونج رہا ہے وہ نغمۂ داؤد
بڑھائے وادیٔ حسرت میں کیا قدم کوئیکہ خضر راہ بھی گم اور راہ بھی مسدود
فروغ حسن تغیر پسند کچھ بھی نہیںضیائے کرمک شب تاب کی ہے کوئی نمود
یہاں ادائے فرائض کی صورتیں ہیں جدانماز عشق میں واجب نہیں رکوع و سجود
پیام مرگ بھی پہنچا نوید زیست کے ساتھجو اتفاق سے امرت ملا تو زہر آلود
وفا و عشق کی دشواریاں خدا کی پناہعجب عجب ہیں شرائط عجب عجب ہیں قیود
تصرفات محبت کے سب کرشمے ہیںنہیں تو کیوں ہو تصدق ایاز پر محمود
عدم سے آئے تھے ہم اور پھر عدم کو گئےیہ ہے حقیقت قبل از وجود و بعد وجود
ترا قلق بھی ترا درد بھی ترا غم بھیہمارے عشق کے اتنے گواہ ہیں موجود
خدا کرے کہ نہ دعویٰ کریں خدائی کاسنا تو ہوگا بتوں نے نتیجۂ نمرود
بشر کو قوت احساس نے خراب کیاجو یہ نہ ہو تو جہاں میں نہ پھر زیاں ہے نہ سود
رہ طلب میں قدم ڈگمگائے جاتے ہیںسنبھال یا مرے اللہ یا مرے معبود
نگاہ کرد ز قہر و عتاب فتنہ گرےبایں توقف اندک حواس و ہوش ربود
جمال شاہد مطلق سے جس کو مطلب ہےوہ دل سعید نظر اسعد آرزو مسعود
جناب نوحؔ کو طوفان غم سے خوف نہیںکہ اختیار میں ان کے ہے کشتیٔ مقصود
— نوح ناروی
Farogh-e-husn mein kya be sabaat dil ka wajoodWoh aaftab yeh shabnam woh aag yeh barood
Zehe madarij-o-irfan-o-lutf-e-bazm-e-shuhoodHamein hain abd hamein abdiyat hamein ma'bood
Woh baar baar muhabbat se zikr-e-khair kareinShaheed-e-gham ki yahi fatiha yahi hai durood
Sawad-e-shaam-e-muhabbat hai dood-e-be-aatishTulu-e-subh-e-tamanna hai aatish-e-be-dood
Bi lutf-o-aish-o-nishat-e-jahan mashau nazanDareen saraye-e-adam aashna chah hast-o-chah bood
Nigah-e-naaz ke jauhar yeh paye kya munkinFaghan bhi tegh hai lekin hai tegh zang aalood
Uthi ghata ki tarah chha gayi faza ki tarahHudood-e-husn mein taaseer-e-ishq na-mahdood
Khuda ke jalwa-e-qudrat ka poochhna kya haiJidhar jidhar nazar uthi idhar idhar maujood
Tareeq-e-ishq mein kyun baar-e-gham uthaye na dilIsi pahad ke neeche hai manzil-e-maqsood
Tale hain phir mah-o-anjum mujhe satane parDil-e-hazeena wohi ik naala-e-falak paimood
Ghazab hua ke muqaddar mujhe wahan layaJahan sukoon bhi na-paida lutf bhi mafqood
Raha yeh apni hayat-o-mamat ka aalamKabhi wajood adam tha kabhi adam tha wajood
Nigah-e-naaz mein dil ka kuch iqtedar nahinAgar abhi hai yeh maqbool to abhi مردود
Hawas-o-hosh farishton ke jis se reh na sakeinFaza mein goonj raha hai woh naghma-e-Dawood
Badhaye waadi-e-hasrat mein kya qadam koiKe khizr-e-rah bhi gum aur rah bhi masdood
Farogh-e-husn-e-taghayyur pasand kuch bhi nahinZiya-e-kirmak-e-shab-taab ki hai koi namood
Yahan ada-e-faraiz ki sooratein hain judaNamaz-e-ishq mein wajib nahin rukoo-o-sujood
Payam-e-marg bhi pahuncha naveed-e-zeest ke saathJo ittafaq se amrit mila to zahar aalood
Wafa-o-ishq ki dushwariyan khuda ki panahAjab ajab hain sharait ajab ajab hain quyood
Tasarrufat-e-muhabbat ke sab karishme hainNahin to kyun ho tasadduq Ayaz par Mahmood
Adam se aaye the hum aur phir adam ko gayeYeh hai haqeeqat qabl az wajood-o-ba'd wajood
Tera qalaq bhi tera dard bhi tera gham bhiHamare ishq ke itne gawah hain maujood
Khuda kare ke na da'wa karein khudai kaSuna to hoga buton ne natija-e-Namrood
Bashar ko quwwat-e-ehsaas ne kharab kiyaJo yeh na ho to jahan mein na phir ziyan hai na sood
Rah-e-talab mein qadam dagmagaye jaate hainSanbhal ya mere Allah ya mere ma'bood
Nigah kard zi qahr-o-itaab fitna gareBa-in tawaqquf-e-andak hawas-o-hosh rabood
Jamal-e-shahid-e-mutlaq se jis ko matlab haiWoh dil sa'eed nazar as'ad aarzoo mas'ood
Janab-e-Nuh ko toofan-e-gham se khauf nahinKe ikhtiyar mein un ke hai kashti-e-maqsood
فرہنگ
تشریح
اس غزل میں شاعر حسن و عشق کے فلسفے کو ایک دشوار اور پیچیدہ انداز میں بیان کرتا ہے۔ کلام کا مرکزی خیال یہ ہے کہ دنیا کی ہر چیز فانی اور متغیر ہے، اور عشق کی راہ میں غم، دشواری اور بے ثباتی کے باوجود منزل تک پہنچنے کی آرزو قائم رہتی ہے۔ لہجہ فلسفیانہ، پرجوش اور کسی قدر شکوہ آمیز ہے۔ مثلاً شاعر کہتا ہے کہ عدم سے آنے والے انسان کا وجود اور عدم دونوں ایک ہی حقیقت کے دو رخ ہیں، جس سے زندگی کی ناپائیداری نمایاں ہوتی ہے۔
آخر میں شاعر اپنی ہمت اور توکل کا اظہار کرتا ہے کہ غم کے طوفان سے خوف نہیں، کیونکہ کشتیِ مقصود بالآخر اسی کے اختیار میں ہے۔