ہر طرح یوں ہے دوں ہے بے معنیعشق بھی اک جنوں ہے بے معنی
مل گیا مژدۂ بہار مجھےکیا یہ ہیجان خوں ہے بے معنی
سن رہا ہوں کہ وہ نہیں سنتےشرح حال زبوں ہے بے معنی
وعدۂ حشر کا بھروسہ کیاہاں ہے بے کار ہوں ہے بے معنی
غم کی پر اضطرار راہوں میںجستجوئے سکوں ہے بے معنی
حسن کی ایک ایک بات فسوںعشق کا ہر فسوں ہے بے معنی
جیسے اس کا وجود کچھ بھی نہ ہوسرگزشت اپنی یوں ہے بے معنی
جلوۂ رخ ہے ان کا با مطلباپنا سوز دروں ہے بے معنی
شوق کا تکملہ نہیں ہوتاذوق دنیائے دوں ہے بے معنی
جس سے وحشت کو خود نہ وحشت ہواس طرح کا جنوں ہے بے معنی
غم نے بجلی بنا دیا دل کوامتحان سکوں ہے بے معنی
وہ یہ کہہ کر کبھی نہیں سنتےحال سوز دروں ہے بے معنی
چشم بد دور ان کی آنکھوں میںسامری کا فسوں ہے بے معنی
عشق ناکام حسن کا قصہکیا کہوں کیا سنوں ہے بے معنی
نوحؔ طوفان بحر الفت میںفکر ضبط و سکوں ہے بے معنی
— نوح ناروی
Har tarah yoon hai doon hai be-maaniIshq bhi ek junoon hai be-maani
Mil gaya muzda-e-bahar mujheKya yeh hayejan-e-khoon hai be-maani
Sun raha hoon ke woh nahin sunteSharh-e-haal-e-zaboon hai be-maani
Waada-e-hashr ka bharosa kyaHaan hai be-kaar hoon hai be-maani
Gham ki pur-iztiraar raahon meinJustaju-e-sukoon hai be-maani
Husn ki ek ek baat fasoonIshq ka har fasoon hai be-maani
Jaise us ka wajood kuch bhi na hoSarguzasht apni yoon hai be-maani
Jalwa-e-rukh hai un ka ba-matlabApna soz-e-daroon hai be-maani
Shauq ka takmila nahin hotaZauq duniya-e-doon hai be-maani
Jis se wahshat ko khud na wahshat hoIs tarah ka junoon hai be-maani
Gham ne bijli bana diya dil koImtihan-e-sukoon hai be-maani
Woh yeh keh kar kabhi nahin sunteHaal-e-soz-e-daroon hai be-maani
Chashm-e-bad-door un ki aankhon meinSamri ka fasoon hai be-maani
Ishq-e-nakaam husn ka qissaKya kahoon kya sunoon hai be-maani
Noah toofan-e-bahr-e-ulfat meinFikr-e-zabt-o-sukoon hai be-maani
فرہنگ
تشریح
اس غزل میں شاعر یہ کہتا ہے کہ عشق، جنون، سکون کی جستجو اور دنیا کی ہر بات بے معنی ہے۔ لہجہ مایوسی، شکوے اور دل شکستگی کا ہے۔ شاعر محبوب کی بے اعتنائی کا ذکر کرتا ہے کہ وہ میری حال زار کو نہیں سنتے، اور غم نے دل کو بجلی بنا دیا ہے۔ مقطع میں شاعر کہتا ہے کہ محبت کے طوفان میں ضبط و سکون کی فکر بھی بے معنی ہے۔ ردیف 'بے معنی' کی تکرار سے پوری غزل میں یہی احساس قائم رہتا ہے۔