اس بت کافر کو ان کا دھیان کیا ہے کچھ نہیںدین کیا ہے کچھ نہیں ایمان کیا ہے کچھ نہیں
نذر کرنے کے لئے سامان کیا ہے کچھ نہیںجان ہے اب اور میری جان کیا ہے کچھ نہیں
خاک سے پیدا ہوا یہ خاک میں مل جائے گاخاکدان دہر میں انسان کیا ہے کچھ نہیں
چاہتا ہوں میں کہ چاہیں آپ بھی دل سے مجھےہے یہی ارمان اور ارمان کیا ہے کچھ نہیں
ہر گھڑی ظلم و ستم ہر دم وہی قہر و عتابآپ کے نزدیک میری جان کیا ہے کچھ نہیں
میں فقیر بے غرض ہوں بے غرض کے واسطےنفع کیا ہے کچھ نہیں نقصان کیا ہے کچھ نہیں
مرنے والے لٹنے والے مٹنے والے کے لئےجان کیا ہے آن کیا ہے شان کیا ہے کچھ نہیں
تیغ نے گردن جدا کی موت نے لی جان زارمیرے سر پر آپ کا احسان کیا ہے کچھ نہیں
جب کہو قربان کر دوں جب کہو کر دوں نثاریہ ذرا سا دل ذرا سی جان کیا ہے کچھ نہیں
کیا کہا ہم کو بہت کچھ غم زدوں کا دھیان ہےتم کو اپنے غم زدوں کا دھیان کیا ہے کچھ نہیں
ہر حسیں پر اس کو مرنا اور اسے غم جھیلنادل سلامت ہے تو میری جان کیا ہے کچھ نہیں
سر پٹکنے کو فقط دو چار پتھر رکھ لئےاور میرے گھر میں اب سامان کیا ہے کچھ نہیں
خیر جو ظلم و ستم کرنے تھے وہ تم نے کئےپچھلی باتوں کا ہمیں اب دھیان کیا ہے کچھ نہیں
میں یہ ان سے کیوں کہوں تم عاشقوں کی جان ہوجانتا ہوں عاشقوں کی جان کیا ہے کچھ نہیں
ہو گئی غرقاب دنیا بھر گیا سارا جہاںاب تو کہیے نوحؔ کا طوفان کیا ہے کچھ نہیں
— نوح ناروی
Is but-e-kafir ko un ka dhyan kya hai kuch nahinDeen kya hai kuch nahin eeman kya hai kuch nahin
Nazr karne ke liye saman kya hai kuch nahinJaan hai ab aur meri jaan kya hai kuch nahin
Khak se paida hua yeh khak mein mil jaye gaKhakdan-e-dahr mein insan kya hai kuch nahin
Chahta hoon main ke chahein aap bhi dil se mujheHai yahi armaan aur armaan kya hai kuch nahin
Har ghadi zulm-o-sitam har dam wahi qahr-o-itaabAap ke nazdeek meri jaan kya hai kuch nahin
Main faqeer-e-be-gharaz hoon be-gharaz ke wasteNafa kya hai kuch nahin nuqsan kya hai kuch nahin
Marne wale lutne wale mitne wale ke liyeJaan kya hai aan kya hai shaan kya hai kuch nahin
Tegh ne gardan juda ki maut ne li jaan-e-zaarMere sar par aap ka ehsaan kya hai kuch nahin
Jab kaho qurban kar doon jab kaho kar doon nisaarYeh zara sa dil zara si jaan kya hai kuch nahin
Kya kaha hum ko bahut kuch gham-zadon ka dhyan haiTum ko apne gham-zadon ka dhyan kya hai kuch nahin
Har haseen par us ko marna aur ise gham jheelnaDil salamat hai to meri jaan kya hai kuch nahin
Sar patakne ko faqat do chaar patthar rakh liyeAur mere ghar mein ab saman kya hai kuch nahin
Khair jo zulm-o-sitam karne the woh tum ne kiyePichhli baaton ka humein ab dhyan kya hai kuch nahin
Main yeh un se kyun kahoon tum aashiqon ki jaan hoJaanta hoon aashiqon ki jaan kya hai kuch nahin
Ho gayi gharqab duniya bhar gaya sara jahanAb to kahiye Noah ka toofan kya hai kuch nahin
فرہنگ
تشریح
اس غزل میں شاعر نے محبوب کی بے نیازی اور اپنی بے بسی کو دلکش انداز میں بیان کیا ہے۔ ہر شعر میں "کچھ نہیں" کی تکرار سے دنیا کی ہر چیز، دین، ایمان، جان اور نفع و نقصان کو بے حقیقت ٹھہرایا گیا ہے۔ شاعر کا لہجہ شکوہ آمیز اور عاجزانہ ہے، جو محبوب کی توجہ کا طلبگار ہے۔ مقطع میں شاعر اپنے تخلص کے ساتھ دنیا کے غرق ہونے کا ذکر کرتا ہے اور پوچھتا ہے کہ نوح کا طوفان کیا ہے، یعنی اس کے سامنے ہر طوفان حقیر ہے۔