جانے کو جائے فصل گل آنے کو آئے ہر برسہم غم زدوں کے واسطے جیسے چمن ویسے قفس
رخصت ہوا بیمار غم بالیں سے اٹھے ہم نفستدبیر تو کرتے ہیں سب تقدیر پر کس کا ہے بس
محشر میں اس بے درد سے گر پوچھ گچھ نے داد کیآیا ہوں میں فریاد کو فریاد سن فریاد رس
ممکن نہیں میں چھٹ سکوں دام وفا و عشق سےباندھے گئے سب دست و پا جکڑی گئی ایک ایک نس
قطع منازل میں کروں تو کس سہارے پر کروںمفقود اہل کارواں مسدود آواز جرس
تو اور دعویٰ عشق کا یہ بھی خدا کی شان ہےمنصور بننے کے لئے دل چاہئے اے بو الہوس
کہنے کو ہے سارا جہاں سچے فدائی ہیں کہاںدس میں نہ نکلے گا کوئی دس لاکھ میں نکلیں گے دس
جائے بہار آئے خزاں اس کا تردد کچھ نہیںہیں لالہ و گل سے سوا مجھ کو چمن کے خار و خس
طول غم و آزار نے ناشاد مجھ کو کر دیاہے ایک گھنٹہ ایک دن ہے اک مہینہ اک برس
کم بخت مرنے کے لئے صیاد کے گھر آئے ہیںدیکھیں گے اب کیا سیر گل چھٹ کر اسیران قفس
پہنچے سر عرش بریں امید تو ایسی نہیںہاتھوں ہی تک محدود ہے میری دعا کی دسترس
قابو میں جب دل ہی نہیں تو کیا کہوں میں درد دلبڑھ کر ہے تیغ و تیر سے میرے لئے میرا نفس
سو بار دے کر جام و خم ممنون ساقی نے کیااس کا تقاضا تھا کہ پی میری گزارش تھی کہ بس
اے خضر آئے لطف کیا مشرب الگ مسلک جدامرنے کی حسرت مجھ کو ہے تم کو ہے جینے کی ہوس
ان کے علاوہ کون ہے میرے قریں کوئی نہیںیا دہنے بائیں آفتیں یا آرزوئیں پیش و پس
جام و سبو کا ذکر کیا بہتا پھرے خود مے کدہاے ابر رحمت ٹوٹ کر ایسا برس اتنا برس
کیا ابتدا کیا انتہا جو آئے گا وہ جائے گادنیائے فانی کچھ نہیں اللہ بس باقی ہوس
لطف و کرم سے کیا غرض قہر و ستم سے کام لےبربادیٔ عشاق پر اپنی کمر مضبوط کس
کب تک یہ سیل اشک غم کب تک یہ طوفاں خیزیاںدنیا فنا ہو جائے گی اے نوحؔ بس اے نوحؔ بس
— نوح ناروی
Jane ko jaye fasl-e-gul aane ko aaye har barasHum gham-zadon ke waaste jaise chaman waise qafas
Rukhsat hua bemaar-e-gham baaleen se uthe ham-nafasTadbeer to karte hain sab taqdeer par kis ka hai bas
Mahshar mein is be-dard se gar pooch-gachh ne dad kiAaya hoon main fariyaad ko fariyaad sun fariyaad-ras
Mumkin nahin main chhut sakoon daam-e-wafa-o-ishq seBaandhe gaye sab dast-o-pa jakdi gayi ek ek nas
Qata-e-manazil main karoon to kis sahaare par karoonMafqood ahl-e-kaarwaan masdood aawaaz-e-jaras
Tu aur daawa-e-ishq ka yeh bhi khuda ki shaan haiMansoor banne ke liye dil chahiye ae bul-hawas
Kehne ko hai saara jahan sacche fidai hain kahanDas mein na nikle ga koi das lakh mein niklein ge das
Jaye bahar aaye khazan is ka taraddud kuch nahinHain lala-o-gul se siwa mujh ko chaman ke khaar-o-khas
Tool-e-gham-o-aazar ne naashad mujh ko kar diyaHai ek ghanta ek din hai ek maheena ek baras
Kambakht marne ke liye sayyaad ke ghar aaye hainDekhein ge ab kya sair-e-gul chhut kar aseeran-e-qafas
Pahunche sar-e-arsh-e-bareen ummeed to aisi nahinHaathon hi tak mahdood hai meri dua ki dastras
Qaabu mein jab dil hi nahin to kya kahoon main dard-e-dilBadh kar hai tegh-o-teer se mere liye mera nafas
Sau baar de kar jaam-o-kham mamnoon saaqi ne kiyaIs ka taqaza tha ke pee meri guzarish thi ke bas
Ae Khizr aaye lutf kiya mashrab alag maslak judaMarne ki hasrat mujh ko hai tum ko hai jeene ki hawas
Un ke elawa kaun hai mere qareen koi nahinYa dahne baayein aafatein ya aarzooein pesh-o-pas
Jaam-o-saboo ka zikr kya behta phire khud may-kadaAe abr-e-rahmat toot kar aisa baras itna baras
Kya ibtida kya intiha jo aaye ga woh jaye gaDuniya-e-faani kuch nahin Allah bas baaqi hawas
Lutf-o-karam se kya gharaz qahr-o-sitam se kaam leBarbaadi-e-ushshaq par apni kamar majboot kas
Kab tak yeh sail-e-ashk-e-gham kab tak yeh toofan-kheeziyanDuniya fana ho jaye gi ae Nuh bas ae Nuh bas
فرہنگ
تشریح
اس غزل میں شاعر غم زدہ دل کی بے بسی اور تقدیر کے آگے اپنی لاچاری بیان کرتا ہے۔ اس کے نزدیک چمن اور قفس دونوں اس کے لیے یکساں ہیں، اور تدبیر کے باوجود اختیار تقدیر کے ہاتھ میں ہے۔ لہجہ شکوہ اور حسرت آمیز ہے، جس میں عشق کی آزمائشوں سے تھکن جھلکتی ہے۔ مقطع میں شاعر اپنے غم کی طوالت کو انسانی برداشت کی حد کے طور پر پیش کرتا ہے اور دنیا کی بے ثباتی کا ذکر کرتا ہے۔
ایک شعر میں وہ کہتا ہے کہ جب دل قابو میں نہ ہو تو درد دل کا بیان بھی ممکن نہیں، اور اس کا نفس تیغ و تیر سے زیادہ اسے زخمی کرتا ہے۔