تری تند خوئی تری کینہ جوئی تری کج ادائی تری بے وفائیبلا ہے ستم ہے غضب ہے قیامت دہائی دہائی دہائی دہائی
حقیقت نے چکر میں ڈالا تھا ہم کو طریقت برے وقت پر کام آئیہمہ دست کا مسئلہ جب ہے آگے تو کیسی دوئی اور کیسی جدائی
ادھر پاس چلمن کے موجود تھے وہ ادھر تھے پریشان ان کے فدائیرہا شرم و شوخی کا دل کش تماشا نہ جلوہ دکھایا نہ صورت چھپائی
مدد کر ذرا اور اے جوش الفت کہ ارمان دل کا نکل جائے دل سےکبھی جلوہ گہ تک گزر ہو ہمارا ابھی رہ گزر تک ہوئی ہے رسائی
بھرم کھل گیا اس سے عیاریوں کا کھلا راز بھی اس سے مکاریوں کاچرایا تھا تم نے اگر دل ہمارا تو دل کو چرا کر نظر کیوں چرائی
ادھر سب سے پردہ ادھر سب میں جلوہ یہاں وار عالم وہاں اور منظرکہیں وہ عیاں ہے کہیں وہ نہاں ہے کبھی حسن پوشی کبھی خود نمائی
جہاں میں بشر ان سے ہو بے تعلق کوئی مان لے ہم نہ مانیں گے اس کوکہ چاروں طرف ہیں یہی چار چیزیں محبت عداوت بھلائی برائی
برابر ہیں دیر و حرم کے مراتب مساوی ہیں دونوں گھروں کی حقیقتنہیں فرق کچھ بھی ہماری نظر میں وہی بت پرستی وہی جبہ سائی
جنہیں عیش و راحت کا ارمان ہوگا انہیں عیش و راحت کا ارمان ہوگاتمہاری محبت میں ہم نے بلا سے وہ پایا نہ پایا یہ پائی نہ پائی
یہ برتاؤ کیا ہیں یہ اطوار کیا ہیں ذرا آپ سوچیں ذرا آپ سمجھیںہمیں پر کسی روز چشم عنایت ہمیں سے کسی وقت بے اعتنائی
بہار آئے مژدہ مسرت کا لے کر دھواں دھار اٹھیں فلک پر گھٹائیںادھر جام چھلکے ادھر توبہ ٹوٹے بہم زہد و رندی میں ہو ہاتھا پائی
اگر ہو کوئی روشناسی کا طالب تو پہلے مقلد بنے آئینے کاکدورت سے اللہ محفوظ رکھے بڑی شے ہے دنیا میں دل کی صفائی
یہ توقیر و تحقیر میں بحث کیسی کہ ہیں دونوں باتیں خدا کی طرف سےوہ رائی کو چاہے تو پربت بنا دے وہ پربت کو چاہے تو بن جائے رائی
کسی کو رلاؤ کسی کو جلاؤ کسی کو ستاؤ کسی کو مٹاؤخدائی کا غم کیا زمانے کا ڈر کیا تمہارا زمانہ تمہاری خدائی
ہزاروں بکھیڑے ہزاروں جھمیلے ہزاروں توہم ہزاروں ترددمگر آپ آئیں تو مہمان رکھ لوں مرے دل میں اب بھی ہے اتنی سمائی
جو بندے خدا کے خدا پر نہ رکھیں تو رکھیں بھروسہ خدائی میں کس پربنایا انہیں اہل حاجت اسی نے کرے گا وہی ان کی حاجت روائی
یہ اندھیر کھاتا یہ کفران نعمت زمانے کو اے نوحؔ کیا ہو گیا ہےخدا کے کرم سے تو بیڑا نہ ڈوبے مگر پائے شہرت تری نا خدائی
— نوح ناروی
Teri tund-khooi teri keena-jooi teri kaj-adai teri be-wafaiBala hai sitam hai ghazab hai qayamat duhai duhai duhai duhai
Haqeeqat ne chakkar mein daala tha hum ko tareeqat bure waqt par kaam aaiHama dast ka masala jab hai aage to kaisi dui aur kaisi judai
Idhar paas chilman ke maujood the woh idhar the pareshan un ke fidaiRaha sharm-o-shokhi ka dil-kash tamasha na jalwa dikhaya na surat chhipai
Madad kar zara aur ae josh-e-ulfat ke armaan dil ka nikal jaye dil seKabhi jalwa-gah tak guzar ho hamara abhi rah-guzar tak hui hai rasai
Bharam khul gaya is se ayyaariyon ka khula raaz bhi is se makkaariyon kaChuraya tha tum ne agar dil hamara to dil ko chura kar nazar kyun chirai
Idhar sab se parda idhar sab mein jalwa yahan waar-e-aalam wahan aur manzarKahin woh ayaan hai kahin woh nahaan hai kabhi husn-pooshi kabhi khud-numai
Jahan mein bashar un se ho be-taalluq koi maan le hum na maanein ge is koKe chaaron taraf hain yahi chaar cheezein muhabbat adawat bhalai burai
Barabar hain dair-o-haram ke maratib masawi hain donon gharon ki haqeeqatNahin farq kuch bhi hamari nazar mein wahi but-parasti wahi jibba-sai
Jinhein aish-o-raahat ka armaan hoga unhein aish-o-raahat ka armaan hogaTumhari muhabbat mein hum ne bala se woh paya na paya yeh pai na pai
Yeh bartao kya hain yeh atwaar kya hain zara aap sochein zara aap samjheinHamein par kisi roz chashm-e-inayat hamein se kisi waqt be-aitnai
Bahar aaye muzda masarrat ka le kar dhuwan-dhaar uthein falak par ghataeinIdhar jaam chhalake idhar tauba toote baham zuhd-o-rindi mein ho haatha-pai
Agar ho koi rooshnaasi ka talib to pehle muqallid bane aaeene kaKudoorat se Allah mahfooz rakhe badi shay hai duniya mein dil ki safai
Yeh tauqeer-o-tahqeer mein bahs kaisi ke hain donon baatein khuda ki taraf seWoh raai ko chahe to parbat bana de woh parbat ko chahe to ban jaye raai
Kisi ko ralao kisi ko jalao kisi ko satao kisi ko mataoKhudai ka gham kya zamane ka dar kya tumhara zamana tumhari khudai
Hazaron bakhede hazaron jhamele hazaron tawahhum hazaron taraddudMagar aap aayein to mehmaan rakh loon mere dil mein ab bhi hai itni samai
Jo bande khuda ke khuda par na rakhein to rakhein bharosa khudai mein kis parBanaya unhein ahl-e-haajat isi ne kare ga wahi un ki haajat-rawai
Yeh andher khaata yeh kufraan-e-niamat zamane ko ae Nuh kya ho gaya haiKhuda ke karam se to beeda na doobe magar paye shohrat teri na-khudai
فرہنگ
تشریح
اس غزل میں محبوب کی تند خوئی، بے وفائی اور ناز و ادا کا شکوہ کیا گیا ہے، مگر لہجہ زیادہ تر طنزیہ اور چنچل ہے۔ شاعر محبوب کی ستم گری پر دہائی دیتا ہے اور اس کی عیاریوں اور چھپنے چھپانے کی ادا کو دلچسپ انداز میں بیان کرتا ہے۔ ایک نمایاں مصرع ہے: "تمہاری محبت میں ہم نے بلا سے وہ پایا نہ پایا یہ پائی نہ پائی"، جس میں عاشق بے نیازی کے ساتھ حاصل و محرومی کو ایک طرف رکھ دیتا ہے۔ آخری شعروں میں خدا کی قدرت، دنیا کی بے ثباتی اور اخلاقی نصیحت بھی آتی ہے۔