کوئی نہیں پچھتانے والامر جائے مر جانے والا
محفل میں آئے گا کیوں کرخلوت میں شرمانے والا
میں روکوں لیکن کیا روکوںجائے گا گھر جانے والا
شکر خدا کا ہم کرتے ہیںکام آیا کام آنے والا
صبر مرا بے کار نہ جائےتڑپے وہ تڑپانے والا
اپنا دل بہلاؤں کس سےہے کون آنے جانے والا
وہ نہ ملیں مجھ کو مل جائےکوئی جی بہلانے والا
دل وہ شے ہے جس کا شاکیکھونے والا پانے والا
لطف و کرم فرماتا جائےلطف و کرم فرمانے والا
سب سے مشکل بات یہی ہےزندہ ہو مر جانے والا
کیا سمجھے اسرار محبتدل دے کر پچھتانے والا
پھولوں کا مرجھانا دیکھےکلیوں پر اترانے والا
جان مری ہے جانے والیدل ہے ان پر آنے والا
یا میں ہوں یا میرا دل ہےروز نیا غم پانے والا
نوحؔ محبت کی دنیا میںہے طوفان اٹھانے والا
— نوح ناروی
Koi nahin pachhtane walaMar jaye mar jaane wala
Mehfil mein aaye ga kyun karKhalwat mein sharmane wala
Main rokoon lekin kya rokoonJaye ga ghar jaane wala
Shukr khuda ka hum karte hainKaam aaya kaam aane wala
Sabr mera be-kaar na jayeTadpe woh tadpane wala
Apna dil behlaoon kis seHai kaun aane jaane wala
Woh na milein mujh ko mil jayeKoi jee behlane wala
Dil woh shay hai jis ka shaakiKhone wala pane wala
Lutf-o-karam farmata jayeLutf-o-karam farmane wala
Sab se mushkil baat yehi haiZinda ho mar jaane wala
Kya samjhe asrar-e-muhabbatDil dey kar pachhtane wala
Phoolon ka murjhaana dekhayKaliyon par utrane wala
Jaan meri hai jaane waliDil hai un par aane wala
Ya main hoon ya mera dil haiRoz naya gham pane wala
Nuh muhabbat ki duniya meinHai toofan uthane wala
فرہنگ
تشریح
اس غزل میں عاشق اپنے دل کی بے بسی اور محبت کے دکھ بیان کرتا ہے۔ شاعر محبوب کے جانے، آنے اور نہ ملنے کے غم کو بار بار دہراتا ہے اور اپنے صبر کے بے کار جانے کا شکوہ کرتا ہے۔ ایک نمایاں شعر میں وہ کہتا ہے کہ میں روکوں تو کیا روکوں، جانے والا تو چلا ہی جائے گا، جس سے بے اختیاری کا احساس ابھرتا ہے۔ لہجہ شکوہ آمیز اور دردمندانہ ہے، اور مجموعی طور پر کلام محبت کی ناکامی اور دل کے بے قرار حال کی تصویر پیش کرتا ہے۔