کوچۂ یار میں کچھ دور چلے جاتے ہیںہم طبیعت سے ہیں مجبور چلے جاتے ہیں
ہم کہاں جاتے ہیں یہ بھی ہمیں معلوم نہیںبادۂ عشق سے مخمور چلے جاتے ہیں
گرچہ آپس میں وہ اب رسم محبت نہ رہیتوڑ جوڑ ان کے بدستور چلے جاتے ہیں
بیٹھے بیٹھے جو دل اپنا کبھی گھبراتا ہےسیر کرنے کو سر طور چلے جاتے ہیں
قیس و فرہاد کے مرنے کا زمانہ گزراآج تک عشق کے مذکور چلے جاتے ہیں
— نوح ناروی
Kucha-e-yaar mein kuch door chale jaate hainHum tabiat se hain majboor chale jaate hain
Hum kahan jaate hain yeh bhi hamein maloom nahinBaada-e-ishq se makhmoor chale jaate hain
Garcha aapas mein woh ab rasm-e-muhabbat na rahiTod jod un ke badastoor chale jaate hain
Baithey baithey jo dil apna kabhi ghabrata haiSair karne ko sar-e-Toor chale jaate hain
Qais-o-Farhad ke marne ka zamana guzraAaj tak ishq ke mazkoor chale jaate hain
فرہنگ
تشریح
اس غزل میں شاعر نے عشق کی بے اختیاری اور راہِ محبت پر چلتے رہنے کو بیان کیا ہے۔ شاعر کہتا ہے کہ وہ طبیعت سے مجبور ہو کر کوچۂ یار میں چلے جاتے ہیں اور انہیں خود بھی معلوم نہیں کہ کہاں جا رہے ہیں، گویا عشق کے نشے میں مست ہیں۔ لہجہ سادہ اور اعترافی ہے، جس میں محبوب کی بے مہری کے باوجود دل کے ہاتھوں مجبور ہونے کا احساس نمایاں ہے۔ آخری شعر میں قیس و فرہاد کا ذکر کر کے کہا گیا ہے کہ عشق کا ذکر آج تک جاری ہے۔