غزل 13 اشعار

میں کسی شوخ کی گلی میں نہیں

Main Kisi Shokh Ki Gali Mein Nahin

میں کسی شوخ کی گلی میں نہیںزندگی میری زندگی میں نہیں

ہم وفا کی امید کیا رکھیںکس میں ہوگی جو آپ ہی میں نہیں

کوئی کیسا ہے کوئی کیسا ہےآدمیت ہر آدمی میں نہیں

تذکرہ ہی وفا کا سنتا ہوںیہ کسی میں ہے یا کسی میں نہیں

اس کا ملنا ہے اپنے کھونے پرفی الحقیقت خدا خودی میں نہیں

کس سے پوچھوں کہ رات کیا گزریاہل بزم اپنے ہوش ہی میں نہیں

وہ گھٹا آسمان پر اٹھیعذر اب مجھ کو مے کشی میں نہیں

گفتگو ان کی دوستی میں ہےشک ہمیں ان کی دشمنی میں نہیں

ہے خودی اور بے خودی کچھ اوربے خودی کا مزہ خودی میں نہیں

کوئی چلمن اٹھائے بیٹھا ہےکوئی اپنے حواس ہی میں نہیں

غور سے دیکھیے تو سب کچھ ہےکون سی بات آدمی میں نہیں

یہ بھی ہو وہ بھی ہو تو لطف آئےکچھ نہیں لاگ اگر لگی میں نہیں

کون سا وصف کون سی خوبیحضرت نوح نارویؔ میں نہیں

— نوح ناروی

فرہنگ

شوخ — چنچل، شوخ مزاج محبوب
مے کشی — شراب نوشی، پینے کا عمل
فی الحقیقت — در حقیقت، واقعی

تشریح

اس غزل میں شاعر نے محبت، وفا اور خودی و بے خودی جیسے موضوعات کو باریک نظری سے بیان کیا ہے۔ شاعر کا لہجہ فلسفیانہ اور طنزیہ ہے، جس میں وہ دنیا کی بے وفائی اور انسانیت کی کمی پر غور کرتے ہیں۔

مقطع میں شاعر اپنے بارے میں کہتا ہے کہ اس کے اندر کوئی خاص وصف یا خوبی موجود نہیں، جس سے عاجزی کا اظہار ہوتا ہے۔

ایک نمایاں شعر میں کہا گیا ہے کہ خدا خودی میں نہیں بلکہ اپنے آپ کو کھونے میں ملتا ہے، یعنی حقیقت تک رسائی نفس کی نفی سے ممکن ہے۔