مانا کہ مرا دل بھی جگر بھی ہے کوئی چیزلیکن وہ نظر تیر نظر بھی ہے کوئی چیز
ممکن نہیں وہ چاہنے والوں کو نہ چاہیںاخلاص و محبت کا اثر بھی ہے کوئی چیز
لٹ جائے کہ رہ جائے رہ عشق و وفا میںدل بھی ہے کوئی مال جگر بھی ہے کوئی چیز
ان سے جو نہ اٹھا تھا اسے اس نے اٹھایاقائل ہیں ملائک کہ بشر بھی ہے کوئی چیز
چھپنے کے لئے شوق سے پردے میں چھپیں آپاتنا رہے معلوم نظر بھی ہے کوئی چیز
یہ کثرت آزار و غم و رنج کہاں تکاے شام شب ہجر سحر بھی ہے کوئی چیز
کہتے ہو ہم آئیں گے مگر ظلم کریں گےسوچو تم اگر تو یہ مگر بھی ہے کوئی چیز
باقی نہ رہی ناوک دل دوز کی حاجتظالم تری سیدھی سی نظر بھی ہے کوئی چیز
نالے سے کہوں گا کہ پہنچ عرش بریں تکاب تیز مسافر یہ سفر بھی ہے کوئی چیز
بیتاب ادھر آپ پریشان ادھر ہمآپس کی محبت کا اثر بھی ہے کوئی چیز
چلتی ہوئی میرے دل بے تاب کو لے کرلاکھوں میں وہ دزدیدہ نظر بھی ہے کوئی چیز
بے کار نہ جائے گا مرے دل کا تڑپنانالہ ہے کوئی شے تو اثر بھی ہے کوئی چیز
آنکھوں کے لئے ذوق نظر بھی ہے کوئی باتپہلو کے لئے درد جگر بھی ہے کوئی چیز
اللہ رے ترے حسن ضیا بار کا جلوہیہ پیش نظر ہو تو نظر بھی ہے کوئی چیز
اے نوحؔ شب ماہ میں پاس اس کو بٹھا کرکہتا ہوں مرا رشک قمر بھی ہے کوئی چیز
— نوح ناروی
Mana ke mera dil bhi jigar bhi hai koi cheezLekin woh nazar teer-e-nazar bhi hai koi cheez
Mumkin nahin woh chahne walon ko na chaheinIkhlas-o-muhabbat ka asar bhi hai koi cheez
Lut jaye ke rah jaye rah-e-ishq-o-wafa meinDil bhi hai koi maal jigar bhi hai koi cheez
Un se jo na utha tha ise us ne uthayaQail hain malaik ke bashar bhi hai koi cheez
Chhupne ke liye shauq se parde mein chhupen aapItna rahe maloom nazar bhi hai koi cheez
Yeh kasrat-e-azaar-o-gham-o-ranj kahan takAe sham-e-shab-e-hijr sehar bhi hai koi cheez
Kehte ho hum aayenge magar zulm karengeSocho tum agar to yeh magar bhi hai koi cheez
Baqi na rahi nawak-e-dil-doz ki hajatZalim teri seedhi si nazar bhi hai koi cheez
Nale se kahunga ke pahunch arsh-e-bareen takAb tez musafir yeh safar bhi hai koi cheez
Betaab idhar aap pareshan idhar humAapas ki muhabbat ka asar bhi hai koi cheez
Chalti hui mere dil-e-be-tab ko le karLakhon mein woh duzdida nazar bhi hai koi cheez
Be-kar na jaye ga mere dil ka tadapnaNala hai koi shay to asar bhi hai koi cheez
Aankhon ke liye zauq-e-nazar bhi hai koi baatPehlu ke liye dard-e-jigar bhi hai koi cheez
Allah re tere husn-e-ziya-bar ka jalwaYeh pesh-e-nazar ho to nazar bhi hai koi cheez
Ae Noah shab-e-mah mein paas us ko bitha karKehta hoon mera rashk-e-qamar bhi hai koi cheez
فرہنگ
تشریح
اس غزل میں شاعر محبوب کی نظر اور اس کے اثر کو موضوع بناتا ہے اور عشق کے آزار، انتظار اور ناز و انداز کو ایک خاص طنزیہ اور شوخ لہجے میں بیان کرتا ہے۔ مطلع میں وہ دل اور جگر کے ہونے کو تسلیم کرتے ہوئے محبوب کی تیر جیسی نظر کو زیادہ اہم قرار دیتا ہے۔ ایک نمایاں شعر میں وہ کہتا ہے کہ محبوب کی سیدھی سی نظر ہی ناوک دل دوز کی ضرورت ختم کر دیتی ہے، یعنی نگاہ ہی تیر کا کام کر جاتی ہے۔ مجموعی طور پر کلام میں عشق کی شدت کے ساتھ ایک دلچسپ اور شگفتہ انداز نمایاں ہے۔