مرا دل دیکھو اب یا میرے دشمن کا جگر دیکھوتمہارے بس میں آنکھیں ہیں جدھر جاؤ ادھر دیکھو
قیامت میں نہ میرے منہ سے پھر فریاد نکلے گیاگر یہ کہہ دیا اس نے یہاں آؤ ادھر دیکھو
تمہارے نام پر مر مٹنے والا کون ہے میں ہوںاگر سوچو اگر سمجھو اگر مانو اگر دیکھو
مرے دل کو چرا کر پھر چراؤ آنکھ کیا معنینگاہ قہر ہی سے تم مجھے دیکھو مگر دیکھو
جو کہتا ہوں فنا کے بعد سب کو چین ملتا ہےتو وہ کہتے ہیں پھر اب دیر کیا تم بھی مر دیکھو
رقیبوں کو تم آنکھیں تو دکھاتے ہو سر محفلکہیں ایسا نہ ہو بن جائے میری جان پر دیکھو
کسی کو دیکھ کر اے نوحؔ کیسی کچھ بنی دل پریہ کس کمبخت نے تم سے کہا تھا تم ادھر دیکھو
— نوح ناروی
Mera dil dekho ab ya mere dushman ka jigar dekhoTumhare bas mein aankhein hain jidhar jaao idhar dekho
Qayamat mein nah mere munh se phir fariyaad nikle giAgar yeh keh diya us ne yahan aao idhar dekho
Tumhare naam par mar mitne wala kaun hai main hoonAgar socho agar samajho agar maano agar dekho
Mere dil ko chura kar phir churao aankh kya maaniNigah-e-qahr hi se tum mujhe dekho magar dekho
Jo kehta hoon fana ke baad sab ko chain milta haiTo woh kehte hain phir ab der kya tum bhi mar dekho
Raqiboon ko tum aankhein to dikhate ho sar-e-mahfilKahin aisa nah ho ban jaaye meri jaan par dekho
Kisi ko dekh kar ae Nooh kaisi kuchh bani dil parYeh kis kambakht ne tum se kaha tha tum idhar dekho
فرہنگ
تشریح
اس غزل میں شاعر محبوب سے شکوہ اور ناز بھرے لہجے میں اپنی وفاداری اور بے چینی کا اظہار کرتا ہے۔ وہ کہتا ہے کہ میرے دل کو دیکھو، اور جہاں جاؤ وہیں نظر ڈالو، کیونکہ تمہاری آنکھوں کو اختیار حاصل ہے۔ ایک شعر میں شاعر کہتا ہے کہ تمہارے نام پر مر مٹنے والا میں ہی ہوں، خواہ سوچو، سمجھو، مانو یا دیکھو۔ آخری شعر میں محبوب کی طرف سے ادھر دیکھنے کی بات پر طنزیہ انداز میں سوال کیا گیا ہے کہ یہ کس نے کہا تھا کہ تم ادھر دیکھو۔