9 اشعار

زباں ہے بے خبر اور بے زباں دل

Zabān hai be-ḳhabar aur be-zabān dil

«زباں ہے بے خبر اور بے زباں دل» پروین ام مشتاق کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 56 سیکنڈ ہے۔

زباں ہے بے خبر اور بے زباں دلکہے کس طرح سے راز نہاں دل

نہیں دنیا کو دل داری کی عادتسنائے کس کو اپنی داستاں دل

نہ پوچھو بے ٹھکانوں کا ٹھکاناوہیں ہم بھی تھے سرگرداں جہاں دل

کٹی ہے زندگی سب رنج کھاتےکہے کیا عمر بھر کی داستاں دل

ہمیں بھی تھی کبھی ملنے کی لذتہمارا بھی کبھی تھا نوجواں دل

نہ باز آؤں گا میں الفت سے جب تکاٹھائے جائے گا جور بتاں دل

غم الفت غم دنیا غم دیںاٹھائے بار کیا کیا ناتواں دل

سمجھ میں خاک آئے عقل کی باتگئے ہوش و خرد آیا جہاں دل

انہیں رحم آئے تو کیا آئے پرویںؔوہ لا پروا ہے میرا بے زباں دل

— پروین ام مشتاق