کبھی ان کا نام لینا کبھی ان کی بات کرنامرا ذوق ان کی چاہت مرا شوق ان پہ مرنا
وہ کسی کی جھیل آنکھیں وہ مری جنوں مزاجیکبھی ڈوبنا ابھر کر کبھی ڈوب کر ابھرنا
ترے منچلوں کا جگ میں یہ عجب چلن رہا ہےنہ کسی کی بات سننا، نہ کسی سے بات کرنا
شب غم نہ پوچھ کیسے ترے مبتلا پہ گزریکبھی آہ بھر کے گرنا کبھی گر کے آہ بھرنا
وہ تری گلی کے تیور، وہ نظر نظر پہ پہرےوہ مرا کسی بہانے تجھے دیکھتے گزرنا
کہاں میرے دل کی حسرت، کہاں میری نارسائیکہاں تیرے گیسوؤں کا، ترے دوش پر بکھرنا
چلے لاکھ چال دنیا ہو زمانہ لاکھ دشمنجو تری پناہ میں ہو اسے کیا کسی سے ڈرنا
وہ کریں گے نا خدائی تو لگے گی پار کشتیہے نصیرؔ ورنہ مشکل، ترا پار یوں اترنا
— پیر نصیرالدین
Kabhi un ka naam lena kabhi un ki baat karnaMera zauq un ki chahat mera shauq un pe marna
Woh kisi ki jheel aankhen woh meri junoon-mizajiKabhi doobna ubhar kar kabhi doob kar ubharna
Tere manchalon ka jag mein yeh ajab chalan raha haiNa kisi ki baat sunna, na kisi se baat karna
Shab-e-gham na pooch kaise tere mubtala pe guzriKabhi aah bhar ke girna kabhi gir ke aah bharna
Woh teri gali ke tevar, woh nazar nazar pe pehreWoh mera kisi bahane tujhe dekhte guzarna
Kahan mere dil ki hasrat, kahan meri narasaaiKahan tere gesuon ka, tere dosh par bikherna
Chalein lakh chaal duniya ho zamana lakh dushmanJo teri panah mein ho use kya kisi se darna
Woh karein ge na khudaai to lage gi paar kashtiHai Naseer, warna mushkil, tera paar yun utarna
