مری زیست پر مسرت کبھی تھی نہ ہے نہ ہوگیکوئی بہتری کی صورت کبھی تھی نہ ہے نہ ہوگی
مجھے حسن نے ستایا، مجھے عشق نے مٹایاکسی اور کی یہ حالت کبھی تھی نہ ہے نہ ہوگی
وہ جو بے رخی کبھی تھی وہی بے رخی ہے اب تکمرے حال پر عنایت کبھی تھی نہ ہے نہ ہوگی
وہ جو حکم دیں بجا ہے، مرا ہر سخن خطا ہےانہیں میری رو رعایت کبھی تھی نہ ہے نہ ہوگی
جو ہے گردشوں نے گھیرا، تو نصیب ہے وہ میرامجھے آپ سے شکایت کبھی تھی نہ ہے نہ ہوگی
ترے در سے بھی نباہے، در غیر کو بھی چاہےمرے سر کو یہ اجازت کبھی تھی نہ ہے نہ ہوگی
ترا نام تک بھلا دوں، تری یاد تک مٹا دوںمجھے اس طرح کی جرأت کبھی تھی نہ ہے نہ ہوگی
میں یہ جانتے ہوئے بھی، تری انجمن میں آیاکہ تجھے مری ضرورت کبھی تھی نہ ہے نہ ہوگی
تو اگر نظر ملائے، مرا دم نکل ہی جائےتجھے دیکھنے کی ہمت کبھی تھی نہ ہے نہ ہوگی
جو گلہ کیا ہے تم سے، تو سمجھ کے تم کو اپنامجھے غیر سے شکایت کبھی تھی نہ ہے نہ ہوگی
ترا حسن ہے یگانہ، ترے ساتھ ہے زمانہمرے ساتھ میری قسمت کبھی تھی نہ ہے نہ ہوگی
یہ کرم ہے دوستوں کا، وہ جو کہہ رہے ہیں سب سےکہ نصیرؔ پر عنایت کبھی تھی نہ ہے نہ ہوگی
— پیر نصیرالدین
Meri zeest par masarrat kabhi thi na hai na hogiKoi behtari ki surat kabhi thi na hai na hogi
Mujhe husn ne sataya, mujhe ishq ne mitayaKisi aur ki yeh halat kabhi thi na hai na hogi
Woh jo be-rukhi kabhi thi wohi be-rukhi hai ab takMere haal par inayat kabhi thi na hai na hogi
Woh jo hukm dein baja hai, mera har sukhan khata haiUnhein meri raw riayat kabhi thi na hai na hogi
Jo hai gardishon ne ghera, to naseeb hai woh meraMujhe aap se shikayat kabhi thi na hai na hogi
Tere dar se bhi nibhaye, dar-e-ghair ko bhi chaheMere sar ko yeh ijazat kabhi thi na hai na hogi
Tera naam tak bhula doon, teri yaad tak mita doonMujhe is tarah ki jurrat kabhi thi na hai na hogi
Main yeh jante hue bhi, teri anjuman mein aayaKe tujhe meri zaroorat kabhi thi na hai na hogi
Tu agar nazar milaye, mera dam nikal hi jayeTujhe dekhne ki himmat kabhi thi na hai na hogi
Jo gila kiya hai tum se, to samajh ke tum ko apnaMujhe ghair se shikayat kabhi thi na hai na hogi
Tera husn hai yagana, tere sath hai zamanaMere sath meri qismat kabhi thi na hai na hogi
Yeh karam hai doston ka, woh jo keh rahe hain sab seKe Naseer par inayat kabhi thi na hai na hogi
