اداس راہوں کا ہوں مسافر، اداس رستوں پہ چل رہا ہوںمیں اک خوشی ڈھونڈنے کی خاطر ہزار رستے بدل رہا ہوں
حیات کی تیز دھوپ میں اک شجر کی کرتا ہوں آرزو میںمگر نہ سایہ مجھے ملا ہے بری طرح سے میں جل رہا ہوں
مرے سفر کی ہے تو ہی منزل مگر تو جانے کہاں چھپا ہےتری جھلک دیکھنے کی خاطر تڑپ رہا ہوں مچل رہا ہوں
میں وہ نہیں جو حوادثِ زندگی کے آگے یہ سر جھکا دوںمیں اس محبت کے امتحاں میں اٹل رہوں گا اٹل رہا ہوں
محبتوں کی اداس نگری میں ظلمتیں دندنا رہی ہیںمیں نفرتوں کے سیاہ بادل سے چاند بن کر نکل رہا ہوں
— رانا احمد شہید
Udaas raahon ka hoon musafir, udaas raston pe chal raha hoonMain ik khushi dhoondne ki khatir hazaar raste badal raha hoon
Hayat ki tez dhoop mein ik shajar ki karta hoon aarzu mainMagar na saya mujhe mila hai buri tarah se main jal raha hoon
Mere safar ki hai tu hi manzil magar tu jaane kahan chupa haiTeri jhalak dekhne ki khatir tarp raha hoon machal raha hoon
Main woh nahi jo hawadis-e-zindagi ke aagay yeh sar jhuka doonMain is mohabbat ke imtehan mein atal rahoon ga atal raha hoon
Mohabbaton ki udaas nagri mein zulmatein dandna rahi hainMain nafraton ke siyah badal se chand ban kar nikal raha hoon