پوچھتے کیا ہو ترا یہ حال کیسا ہو گیا – صفی اورنگ آبادی

پوچھتے کیا ہو ترا یہ حال کیسا ہو گیاتم نہ جانو تو خدا جانے مجھے کیا ہو گیا

عاشقی میں وہم بڑھتے بڑھتے سودا ہو گیاقطرہ قطرہ جمع ہوتے ہوتے دریا ہو گیا

وہ سراپا ناز ہے مجھ سے برا تو کیا کروںچار نے اچھا کہا جس کو وہ اچھا ہو گیا

عاشقی میں نام اگر درکار ہے بد نام ہودیکھ سب کچھ ہو گیا جب قیس رسوا ہو گیا

کچھ ہو لیکن اب مرا دل تم سے پھر سکتا نہیںیہ تو جس کا ہو گیا کم بخت اس کا ہو گیا

اپنے پہلو میں بٹھایا آپ نے اغیار کودیکھیے بیٹھے بٹھائے کا یہ جھگڑا ہو گیا

لے لیا یاد مژہ نے مجھ کو سیل اشک سےڈوبنے والے کو تنکے کا سہارا ہو گیا

داغ ہائے ہجر میں بھی دل میں ہیں خار شوق بھیباغ کا باغ اور یہ صحرا کا صحرا ہو گیا

لے کے دل الزام دیتے ہو غنیمت ہے یہیمال کا مول آ گیا ادلے کا بدلا ہو گیا

دل کی گھبراہٹ نسیم صبح دم سے کم ہوئیوہ نہ آئے غیب سے سامان پیدا ہو گیا

کیا یہی ہے شرم تیرے بھولے پن کے میں نثارمنہ پہ دونوں ہاتھ رکھ لینے سے پردا ہو گیا

میری ہر اک بات قانون محبت ہے مگراے صفیؔ میں شاعری کرنے سے جھوٹا ہو گیا

— صفی اورنگ آبادی

کس نے پڑھا

یہ کلام محفلوں میں