آ کہ ہستی بے لب و بے گوش ہے تیرے بغیرکائنات اک محشر خاموش ہے تیرے بغیر
آ کہ پھر دل میں نہیں اٹھتی کوئی موج نشاطسرد پانی بادۂ سرجوش ہے تیرے بغیر
نیند آ آ کر اچٹ جاتی ہے تیری یاد میںتار بستر نشتر آغوش ہے تیرے بغیر
جلوۂ ہر روز جو ہر صبح کی قسمت میں تھااب وہ اک دھندلا سا خواب دوش ہے تیرے بغیر
زندگی تجھ سے عبارت تھی مگر جب تو نہیںزندگی کا اپنی کس کو ہوش ہے تیرے بغیر
آ کہ موضوع غزل کو ڈھونڈھتی ہے ہر نگاہنغمۂ مطرب بلائے گوش ہے تیرے بغیر
کیا خبر سیمابؔ کب گھبرا کے دے دے اپنی جانضبط گو اب تک تحمل کوش ہے تیرے بغیر
— سیماب اکبر آبادی
Aa ke hasti be-lab o be-gosh hai tere baghairKainaat ik mehshar-e-khamosh hai tere baghair
Aa ke phir dil mein nahin uthti koi mauj-e-nishatSard paani baada-e-sar-josh hai tere baghair
Neend aa aa kar uchat jaati hai teri yaad meinTaar-e-bistar nishtar-e-aaghosh hai tere baghair
Jalwa-e-har roz jo har subah ki qismat mein thaAb wo ik dhundla sa khwab-e-dosh hai tere baghair
Zindagi tujh se ibaarat thi magar jab tu nahinZindagi ka apni kis ko hosh hai tere baghair
Aa ke mauzoo-e-ghazal ko dhoondhti hai har nigahNaghma-e-mutrib balaye gosh hai tere baghair
Kya khabar Seemaab kab ghabra ke de de apni jaanZabt go ab tak tahammul-kosh hai tere baghair