گل نو کے ہاتھ سے دم بہ دم جو صبا نکلتی چلی گئی – شہاب جعفری

گل نو کے ہاتھ سے دم بہ دم جو صبا نکلتی چلی گئیتو چمن چمن تھی وہ تشنگی کہ بہار جلتی چلی گئی

میں مسافر رہ درد تھا ہر امید دست سوال تھییہ حیات موج سراب تھی مرے ساتھ چلتی چلی گئی

تری یاد گلشن خواب تھی کہ مری نواؤں کے دشت میںیہ بہار شمع خیال تھی سر شاخ جلتی چلی گئی

تری آرزو تو نہ تھی مگر تو کہاں ہے میرے نگار سنتری جستجو کے بغیر بھی رہ دل بدلتی چلی گئی

ترے گیسوؤں کی کہانیاں جو سنیں تو نیند سی آ چلیسفر حیات میں سخت تھی مری رات ڈھلتی چلی گئی

نظر آئی منزل آرزو تو ہر اک نشیب و فراز پریہ قدم بہکتے چلے گئے وہ نظر سنبھلتی چلی گئی

— شہاب جعفری