حیات میں بھی اجل کا سماں دکھائی دےوہی زمین وہی آسماں دکھائی دے
قدم زمیں سے جدا ہیں نظر مناظر سےغریب شہر کو شہر آسماں دکھائی دے
تمام شہر میں بے چہرگی کا عالم ہےجسے بھی دیکھیے گرد اور دھواں دکھائی دے
اک ایک شخص ہجوم رواں میں تنہا ہےاک ایک شخص ہجوم رواں دکھائی دے
کبھی سنو تو مکینوں کا گریۂ سحریلہولہان سا ایک اک مکاں دکھائی دے
مکیں ہوں میں کہ مسافر یہ دشت ہے کہ دیارقیام میں بھی سفر کا سماں دکھائی دے
درون دل ہو کہ بیرون دل سفر اپناکہیں لحد کہیں خالی مکاں دکھائی دے
وہ دھوپ ہے کہ سلگتا ہے سایہ پاؤں تلےخمیر خاک بھی آگ اور دھواں دکھائی دے
ہے جسم شعلہ ہی شعلہ تو جاں ہے پیاس ہی پیاساور اپنا سایہ سراب تپاں دکھائی دے
میں کس طرف کو بڑھوں آسمان ہے نہ زمیںمیں جس طرف بھی چلوں خوف جاں دکھائی دے
زمین ہے کہ فلک پاؤں کس جگہ ہیں ندیم!مجھے بتا، مجھے سب کچھ دھواں دکھائی دے
سب اپنے درد کے دوزخ میں جل رہے ہیں شہابؔمگر زمیں ہمیں جنت نشاں دکھائی دے
— شہاب جعفری
Hayat mein bhi ajal ka samaan dikhayi deWohi zameen wohi aasman dikhayi de
Qadam zameen se juda hain nazar manazir seGhareeb-e-shahr ko shahr-e-aasman dikhayi de
Tamam shahr mein be-chehragi ka alam haiJise bhi dekhiye gard aur dhuan dikhayi de
Ek ek shakhs hujoom-e-rawan mein tanhayi haiEk ek shakhs hujoom-e-rawan dikhayi de
Kabhi suno to makeenon ka girya-e-sahariLahoolahan sa ek ek makan dikhayi de
Makeen hoon main ke musafir ye dasht hai ke dayarQiyam mein bhi safar ka samaan dikhayi de
Daroon-e-dil ho ke bairoon-e-dil safar apnaKahin lahad kahin khali makan dikhayi de
Woh dhoop hai ke sulagta hai saya paaon taleKhameer-e-khak bhi aag aur dhuan dikhayi de
Hai jism shola hi shola to jaan hai pyaas hi pyaasAur apna saya sarab-e-tapan dikhayi de
Main kis taraf ko baDhoon aasman hai na zameenMain jis taraf bhi chaloon khauf-e-jaan dikhayi de
Zameen hai ke falak paaon kis jagah hain Nadeem!Mujhe bata, mujhe sab kuch dhuan dikhayi de
Sab apne dard ke dozakh mein jal rahe hain Shahab!Magar zameen hamein jannat-nishan dikhayi de