یاد اس کی ہے کچھ ایسی کہ بسرتی بھی نہیں – شہاب جعفری

یاد اس کی ہے کچھ ایسی کہ بسرتی بھی نہیںنیند آتی بھی نہیں رات گزرتی بھی نہیں

زندگی ہے کہ کسی طرح گزرتی بھی نہیںآرزو ہے کہ مری موت سے ڈرتی بھی نہیں

بس گزرتے چلے جاتے ہیں مہ و سال امیددو گھڑی گردش ایام ٹھہرتی بھی نہیں

دور ہے منزل آفاق دکھی بیٹھے ہیںسخت ہے پاؤں کی زنجیر اترتی بھی نہیں

سن تو سائل نہیں ہم خاک نشین گمراہاے صبا تو تو ذرا دیر ٹھہرتی بھی نہیں

شام ہوتی ہے تو اک اجنبی دستک کے سوادل سے پہروں کوئی آواز ابھرتی بھی نہیں

زندگی تو بھی کوئی موج بلا کیوں نہ سہیایک ہی بار مرے سر سے گزرتی بھی نہیں

— شہاب جعفری