ضرب تیشہ کی صدا میں کیا اٹھا کر لے گئے – شہاب جعفری

ضرب تیشہ کی صدا میں کیا اٹھا کر لے گئےٹوٹتے پتھر سے ہم صحرا اٹھا کر لے گئے

بے خودی کو جانتے کیا ہم خودی خوان جنوںقطرے کی تمہید میں دریا اٹھا کر لے گئے

پاؤں جب سمٹے تو رستے بھی ہوئے تکیہ نشیںبوریا جب تہہ کیا دنیا اٹھا کر لے گئے

ہر جگہ جاں کو یہی دھڑکا کہ لٹ جائیں نہ ہمہم تو ہر دھرتی سے گھر اپنا اٹھا کر لے گئے

اس سفر میں ساتھ کون آتا صدا تو سب کو دیزندگی کا بوجھ تھا تنہا اٹھا کر لے گئے

ہیں پر اتنے بھی نہیں شائستۂ تشنہ لبیہم سے گر شبنم چھنی دریا اٹھا کر لے گئے

سربلند اپنا لہو تھا سرنگوں قاتل کی تیغہم ہتھیلی پر جو سر اپنا اٹھا کر لے گئے

ہم تری آواز کے رسیا بہ درگاہ جنوںشعلۂ حرف و صدا لپکا اٹھا کر لے گئے

دشت در دشت اک صدائے بازگشت اپنی شہابؔسارے پتھر اپنا سناٹا اٹھا کر لے گئے

— شہاب جعفری