غم عاشقی سے کہہ دو رہ عام تک نہ پہنچےمجھے خوف ہے یہ تہمت ترے نام تک نہ پہنچے
میں نظر سے پی رہا تھا تو یہ دل نے بد دعا دیترا ہاتھ زندگی بھر کبھی جام تک نہ پہنچے
وہ نوائے مضمحل کیا نہ ہو جس میں دل کی دھڑکنوہ صدائے اہل دل کیا جو عوام تک نہ پہنچے
مرے طائر نفس کو نہیں باغباں سے رنجشملے گھر میں آب و دانہ تو یہ دام تک نہ پہنچے
نئی صبح پر نظر ہے مگر آہ یہ بھی ڈر ہےیہ سحر بھی رفتہ رفتہ کہیں شام تک نہ پہنچے
یہ ادائے بے نیازی تجھے بے وفا مبارکمگر ایسی بے رخی کیا کہ سلام تک نہ پہنچے
جو نقاب رخ اٹھا دی تو یہ قید بھی لگا دیاٹھے ہر نگاہ لیکن کوئی بام تک نہ پہنچے
انہیں اپنے دل کی خبریں مرے دل سے مل رہی ہیںمیں جو ان سے روٹھ جاؤں تو پیام تک نہ پہنچے
وہی اک خموش نغمہ ہے شکیلؔ جان ہستیجو زبان پر نہ آئے جو کلام تک نہ پہنچے
— شکیل بدیوانی
Gham-e-ashiqi se keh do rah-e-aam tak na pahuncheMujhe khauf hai ye tuhmat tere naam tak na pahunche
Main nazar se pee raha tha to ye dil ne bad-dua diTera haath zindagi bhar kabhi jam tak na pahunche
Wo nawa-e-muzmahil kya na ho jis mein dil ki dhadkanWo sada-e-ahl-e-dil kya jo awam tak na pahunche
Mere taair-e-nafas ko nahin baghban se ranjishMile ghar mein aab o dana to ye daam tak na pahunche
Nai subh par nazar hai magar aah ye bhi dar haiYe sahar bhi rafta rafta kahin sham tak na pahunche
Ye ada-e-be-niyazi tujhe be-wafa mubarakMagar aisi be-rukhi kya ke salam tak na pahunche
Jo naqab-e-rukh utha di to ye qaid bhi laga diUthe har nigah lekin koi baam tak na pahunche
Unhein apne dil ki khabrein mere dil se mil rahi hainMain jo un se rooth jaun to payam tak na pahunche
Wahi ek khamosh naghma hai Shakeel jaan-e-hastiJo zaban par na aaye jo kalam tak na pahunche
