کوئی آرزو نہیں ہے کوئی مدعا نہیں ہےترا غم رہے سلامت مرے دل میں کیا نہیں ہے
کہاں جام غم کی تلخی کہاں زندگی کا درماںمجھے وہ دوا ملی ہے جو مری دوا نہیں ہے
تو بچائے لاکھ دامن مرا پھر بھی ہے یہ دعویٰترے دل میں میں ہی میں ہوں کوئی دوسرا نہیں ہے
تمہیں کہہ دیا ستمگر یہ قصور تھا زباں کامجھے تم معاف کر دو مرا دل برا نہیں ہے
مجھے دوست کہنے والے ذرا دوستی نبھا دےیہ مطالبہ ہے حق کا کوئی التجا نہیں ہے
یہ اداس اداس چہرے یہ حسیں حسیں تبسمتری انجمن میں شاید کوئی آئنا نہیں ہے
مری آنکھ نے تجھے بھی بہ خدا شکیلؔ پایامیں سمجھ رہا تھا مجھ سا کوئی دوسرا نہیں ہے
— شکیل بدیوانی
Koi aarzoo nahin hai koi muddaa nahin haiTera gham rahe salamat mere dil mein kya nahin hai
Kahan jaam-e-gham ki talkhi kahan zindagi ka darmainMujhe wo dawa mili hai jo meri dawa nahin hai
Tu bachaye lakh daman mera phir bhi hai ye da'waTere dil mein main hi main hun koi dusra nahin hai
Tumhein keh diya sitamgar ye qasoor tha zaban kaMujhe tum maaf kar do mera dil bura nahin hai
Mujhe dost kehne wale zara dosti nibha deYe mutalaba hai haq ka koi iltija nahin hai
Ye udaas udaas chehre ye haseen haseen tabassumTeri anjuman mein shayad koi aaina nahin hai
Meri aankh ne tujhe bhi ba Khuda Shakeel payaMain samajh raha tha mujh sa koi dusra nahin hai
