تمہاری راہ میں مٹی کے گھر نہیں آتےاسی لئے تو تمہیں ہم نظر نہیں آتے
محبتوں کے دنوں کی یہی خرابی ہےیہ روٹھ جائیں تو پھر لوٹ کر نہیں آتے
جنہیں سلیقہ ہے تہذیب غم سمجھنے کاانہیں کے رونے میں آنسو نظر نہیں آتے
خوشی کی آنکھ میں آنسو کی بھی جگہ رکھنابرے زمانے کبھی پوچھ کر نہیں آتے
بساط عشق پہ بڑھنا کسے نہیں آتایہ اور بات کہ بچنے کے گھر نہیں آتے
وسیمؔ ذہن بناتے ہیں تو وہی اخبارجو لے کے ایک بھی اچھی خبر نہیں آتے
— وسیم بریلوی
Tumhari rah mein mitti ke ghar nahin aateIsi liye to tumhein hum nazar nahin aate
Mohabbaton ke dinon ki yahi kharabi haiYe rooth jayen to phir laut kar nahin aate
Jinhein saleeqa hai tehzeeb-e-gham samajhne kaUnhin ke rone mein aansu nazar nahin aate
Khushi ki aankh mein aansu ki bhi jagah rakhnaBure zamane kabhi poochh kar nahin aate
Bisaat-e-ishq pe badhna kise nahin aataYe aur baat ke bachne ke ghar nahin aate
Waseem zehn banate hain to wahi akhbarJo le ke ek bhi achhi khabar nahin aate
