میرے اندر وہ میرے سوا کون تھامیں تو تھا ہی مگر دوسرا کون تھا
لوگ بھی کچھ تعارف کراتے رہےمجھ کو پہلے ہی معلوم تھا کون تھا
لوگ اندازے ہی سب لگاتے رہےوہ جبیں کس کی تھی نقش پا کون تھا
مجھ سے مل کر ہی اندازہ ہوگا کوئیوہ الگ کون تھا وہ جدا کون تھا
کوئی جس پر نہ تھا موسموں کا اثربعد ساون کے بھی وہ ہرا کون تھا
جس کو احوال سارا تھا معلوم وہبے خبر راستے میں پڑا کون تھا
منتظر جس کی دنیا رہی دیر تکدور سے کوئی آتا ہوا کون تھا
آئی جس کی مہک اس سے پہلے کہیںوہ سوار کمند ہوا کون تھا
ریزہ ریزہ ہی پہچان میں تھا ظفرؔجانتے تھے سبھی جا بجا کون تھا
— ظفراقبال
Mere andar wo mere siwa kaun thaMain to tha hi magar dusra kaun tha
Log bhi kuch ta'aruf karate raheMujh ko pehle hi maloom tha kaun tha
Log andaze hi sab lagate raheWo jabeen kis ki thi naqsh-e-pa kaun tha
Mujh se mil kar hi andaza hoga koiWo alag kaun tha wo juda kaun tha
Koi jis par na tha mausamon ka asarBaad sawan ke bhi wo hara kaun tha
Jis ko ahwaal sara tha maloom woBe-khabar raste mein pada kaun tha
Muntazir jis ki duniya rahi der takDur se koi aata hua kaun tha
Aayi jis ki mehek us se pehle kahinWo sawar-e-kamand-e-hawa kaun tha
Reza reza hi pehchan mein tha ZafarJaante the sabhi ja-ba-ja kaun tha
