اے پرندے تو ہے اپنی آگ میں جلتا ہوادور سے لیکن دھواں اٹھتا نظر آتا نہیں
ایسا لگتا ہے کہ ہیں شعلے فضا میں ہر طرفآسماں نیلا مگر دھندلا نظر آتا نہیں
کچھ پتا چلتا نہیں یہ سرد ہے کہ گرم ہےتیرے دل کی آگ کی لو سخت ہے کہ نرم ہے
کاٹتی ہے دل کے شیشے کو یہ ہیرے کی طرحجھلملاتی ہے سمندر میں جزیرے کی طرح
کشتیوں کے بادباں چلتے ہیں اس کو دیکھ کراور ستارے رات بھر جلتے ہیں اس کو دیکھ کر
پھول بھی شام و سحر ڈرتے نہیں اس آگ سےرقص کی اپنے بناتے ہیں وہ لے اس راگ سے
اے پرندے میں کسی دن پاس تیرے آؤں گااور تری جلتی ہوئی اس آگ میں جل جاؤں گا
— زیشان ساحل
Ae parinde tu hai apni aag mein jalta huaDoor se lekin dhuan uthta nazar aata nahin
Aisa lagta hai keh hain shole faza mein har tarafAasman neela magar dhundla nazar aata nahin
Kuchh pata chalta nahin yeh sard hai keh garm haiTere dil ki aag ki lau sakht hai keh narm hai
Katti hai dil ke sheeshe ko yeh heere ki tarahJhilmilati hai samandar mein jazeere ki tarah
Kashtiyon ke badban chalte hain us ko dekh karAur sitare raat bhar jalte hain us ko dekh kar
Phool bhi sham o sahar darte nahin us aag seRaqs ki apne banate hain woh lay us raag se
Ae parinde main kisi din paas tere aaun gaAur teri jalti hui us aag mein jal jaaun ga