نقش کی طرح ابھرنا بھی تمہی سے سیکھارفتہ رفتہ نظر آنا بھی تمہی سے سیکھا
تم سے حاصل ہوا اک گہرے سمندر کا سکوتاور ہر موج سے لڑنا بھی تمہی سے سیکھا
اچھے شعروں کی پرکھ تم نے ہی سکھلائی مجھےاپنے انداز سے کہنا بھی تمہی سے سیکھا
تم نے سمجھائے مری سوچ کو آداب ادبلفظ و معنی سے الجھنا بھی تمہی سے سیکھا
رشتۂ ناز کو جانا بھی تو تم سے جاناجامۂ فخر پہننا بھی تمہی سے سیکھا
چھوٹی سی بات پہ خوش ہونا مجھے آتا تھاپر بڑی بات پہ چپ رہنا تمہی سے سیکھا
— زہرا نگاہ
Naqsh ki tarah ubharna bhi tumhi se seekhaRafta rafta nazar aana bhi tumhi se seekha
Tum se haasil hua ek gehre samandar ka sukootAur har mauj se ladna bhi tumhi se seekha
Achhe sher'on ki parakh tum ne hi sikhlayi mujheApne andaaz se kehna bhi tumhi se seekha
Tum ne samjhaye meri soch ko aadab-e-adabLafz-o-ma'ani se ulajhna bhi tumhi se seekha
Rishta-e-naz ko jaana bhi to tum se jaanaJama-e-fakhr pehenna bhi tumhi se seekha
Chhoti si baat pe khush hona mujhe aata thaPar badi baat pe chup rehna tumhi se seekha
