جب جھونکا تیز ہواؤں کاکچھ سوچ کے دھیمے گزرا تھا
جب تپتے سورج کا چہرہاودی چادر میں لپٹا تھا
جب سوکھی مٹی کا سینہسانسوں کی نمی سے جاگا تھا
ہم لوگ اس شام اکٹھے تھےجس نے ہمیں ہنس کر دیکھا تھا
وہ پہلا دوست ہمارا تھاوہ شام کا پہلا تارا تھا
جو شاید ہم دونوں کے لئےکچھ وقت سے پہلے نکلا تھا
جب جھلمل کرتا وہ کمرہسگرٹ کے دھوئیں سے دھندلا تھا
جب نشۂ مے کی تلخی سے!ہر شخص کا لہجہ میٹھا تھا
ہر فکر کی اپنی منزل تھیہر سوچ کا اپنا رستہ تھا
ہم لوگ اس رات اکٹھے تھےاس رات بھی کیا ہنگامہ تھا
میں محو مدارات عالماور تم کو ذوق تماشا تھا
موضوع سخن جس پر ہم نےرائے دی تھی اور سوچا تھا
دنیا کی بدلتی حالت تھیکچھ آب و ہوا کا قصہ تھا
جب سب لوگوں کی آنکھوں میںکمرے کا دھواں بھر آیا تھا
تب میں نے کھڑکی کھولی تھی!تم نے پردہ سرکایا تھا
جس نے ہمیں دکھ سے دیکھا تھاوہ پہلا دوست ہمارا تھا
وہ شام کا پہلا تارا تھاجو شاید ہم دونوں کے لئے
اس رات سحر تک جاگا تھاوہ شام کا پہلا تارا تھا
— زہرا نگاہ
Jab jhonka tez hawaon kaKuch soch ke dheeme guzra tha
Jab tapte suraj ka chehraOodi chadar mein lipta tha
Jab sookhi mitti ka seenaSaanson ki nami se jaaga tha
Hum log us shaam ikatthe theJis ne hamein hans kar dekha tha
Woh pehla dost hamara thaWoh shaam ka pehla taara tha
Jo shayad hum dono ke liyeKuch waqt se pehle nikla tha
Jab jhilmil karta woh kamraCigarette ke dhuen se dhundla tha
Jab nasha-e-may ki talkhi se!Har shakhs ka lehja meetha tha
Har fikr ki apni manzil thiHar soch ka apna rasta tha
Hum log us raat ikatthe theUs raat bhi kya hangama tha
Main mahv-e-madarat-e-alamAur tum ko zauq-e-tamasha tha
Mauzoo-e-sukhan jis par hum neRai di thi aur socha tha
Duniya ki badalti halat thiKuch aab-o-hawa ka qissa tha
Jab sab logon ki aankhon meinKamre ka dhuan bhar aaya tha
Tab main ne khidki kholi thi!Tum ne parda sarkaaya tha
Jis ne hamein dukh se dekha thaWoh pehla dost hamara tha
Woh shaam ka pehla taara thaJo shayad hum dono ke liye
Us raat sehar tak jaaga thaWoh shaam ka pehla taara tha
