بلند پیڑوں کے سبز پتوں میں سطح دریا کی سلوٹوں پرہوا کے جھونکوں سے دھوپ کے جھلملاتے تارے تھرک رہے ہیں
خنک ہوا جیسے کانچ کی تیز کرچیں رگ رگ کو چیرتی ہیںخنک ہوا جیسے تلخ مے کائنات کے جسم میں رواں ہے
یہ کشتیاں برف سے ڈھکی نیلی چوٹیوں پر نظر جمائےہوا سے ٹکراتی سرد پانی کو کاٹتی بڑھتی جا رہی ہیں
یہ قہقہے شوخ شوخ باتیں یہ ہنستے چہروں کا ایک جھرمٹنظر نظر میں گداز کرنوں کی آنچ محسوس ہو رہی ہے
کسی کنارے کے تیرہ سایوں میں بھول آئے ہیں بار غم کووہ برف کی چوٹیاں نگاہوں کے دائروں میں بھر رہی ہیں
کہیں بہت دور چھوڑ آئے ہیں آج بے حس عمارتوں کوجو اپنے سینے میں تیرگی کا دھواں دبائے سسک رہی تھیں
سلگتی چنگاریاں جہاں بڑھتی راکھ میں دب کے سو گئی تھیںجہاں فسردہ غبار میں زندگی تو کیا موت بھی نہیں تھی
کہیں انہی چوٹیوں سے اب وہ عمارتیں پھر ابھر نہ آئیں
— ضیاء جالندھری
Buland pedon ke sabz patton mein sath-e-dariya ki silwaton parHawa ke jhonkon se dhup ke jhilmilate tare thirak rahe hain
Khunuk hawa jaise kanch ki tez kirchen rag rag ko chirti hainKhunuk hawa jaise talkh mai kaenat ke jism mein rawan hai
Ye kashtiyan barf se dhaki nili chotiyon par nazar jamaeHawa se takraati sard pani ko katti badhti ja rahi hain
Ye qahqahe shokh shokh baaten ye hanste chehron ka ek jhurmutNazar nazar mein gudaz kirnon ki aanch mahsus ho rahi hai
Kisi kinare ke tera sayon mein bhul aae hain bar-e-gham koWo barf ki chotiyan nigahon ke daeron mein bhar rahi hain
Kahin bahut dur chhod aae hain aaj behis imaraton koJo apne sine mein tirgi ka dhuan dabae sisak rahi thin
Sulagti chingariyan jahan badhti rakh mein dab ke so gai thinJahan fasurda ghubar mein zindagi to kya maut bhi nahin thi
Kahin unhi chotiyon se ab wo imaraten phir ubhar na aaen