نہیں نہیں مجھے نور سحر قبول نہیںکوئی مجھے وہ مری تیرگی عطا کر دے
کہ میں نے جس کے سہارے بنے تھے خواب پہ خوابہزار رنگ مرے مو قلم میں تھے جن سے
بنا بنا کے بت آرزو کی تصویریںسیاہ پردۂ شب پر بکھیر دیں میں نے
رواں تھے میرے رگ و پے میں ان گنت نغمےوہ دکھ کے گیت جو لب آشنا نہیں اب تک
میں تیرہ بخت تھا اس تیرگی کے دامن میںسکوں نصیب تھا ناکام آرزوؤں کو
میں اپنے خوابوں سے تاریک رات سے خوش تھانہ جانے کیوں پلٹ آئی ہو سیل نور کے ساتھ
میں جی رہا تھا تمہارے بغیر بھی لیکنتمہاری یاد میں میں نے وہ بت بنائے ہیں
جو آج تم سے بھی بڑھ کر عزیز ہیں مجھ کووہ بت مرے ہیں مجھے چھوڑ کر نہ جائیں گے
میں اپنے آپ سے بے حس بتوں سے خوش تھا مگرتم آ گئی ہو مری تیرگی پہ ہنسنے کو
تمہارے ساتھ کئی غم بھی لوٹ آئے ہیںنہیں نہیں مجھے اب سوز غم کی تاب نہیں
نہیں سحر نہیں تعبیر میرے خوابوں کینہیں مجھے نہ جگاؤ کہ میرے خوابوں میں
تمہارا عکس مجھے اب بھی پیار کرتا ہے
— ضیاء جالندھری
Nahin nahin mujhe nur-e-sahar qubul nahinKoi mujhe wo meri tirgi ata kar de
Ki main ne jis ke sahaare bune the khwab pe khwabHazar rang mere mu-qalam mein the jin se
Bana bana ke but-e-arzu ki taswirenSiyah parda-e-shab par bikher din main ne
Rawan the mere rag-o-pai mein an-ginat naghmeWo dukh ke git jo lab-ashna nahin ab tak
Main tira-bakht tha is tirgi ke daman meinSakun nasib tha nakaam aarzuon ko
Main apne khwabon se tarik raat se khush thaNa jaane kyun palat aai ho sail-e-nur ke sath
Main ji raha tha tumhaare baghair bhi lekinTumhaari yaad mein main ne wo but banae hain
Jo aaj tum se bhi badh kar aziz hain mujh koWo but mere hain mujhe chhod kar na jaenge
Main apne-ap se be-his buton se khush tha magarTum aa gai ho meri tirgi pe hansne ko
Tumhaare sath kai gham bhi laut aae hainNahin nahin mujhe ab soz-e-gham ki tab nahin
Nahin sahar nahin tabir mere khwabon kiNahin mujhe na jagao ki mere khwabon mein
Tumhaara aks mujhe ab bhi pyar karta hai