گھر کا رستہ بھی ملا تھا شایدراہ میں سنگ وفا تھا شاید
اس قدر تیز ہوا کے جھونکےشاخ پر پھول کھلا تھا شاید
جس کی باتوں کے فسانے لکھےاس نے تو کچھ نہ کہا تھا شاید
لوگ بے مہر نہ ہوتے ہوں گےوہم سا دل کو ہوا تھا شاید
تجھ کو بھولے تو دعا تک بھولےاور وہی وقت دعا تھا شاید
خون دل میں تو ڈبویا تھا قلماور پھر کچھ نہ لکھا تھا شاید
دل کا جو رنگ ہے یہ رنگ اداؔپہلے آنکھوں میں رچا تھا شاید
— ادا جعفری
Ghar ka rasta bhi mila tha shayadRaah mein sang-e-wafa tha shayad
Is qadar tez hawa ke jhonkeShaakh par phool khila tha shayad
Jis ki baaton ke fasaane likheUs ne to kuch na kaha tha shayad
Log be-mehr na hote hongeWehm sa dil ko hua tha shayad
Tujhe bhoole to dua tak bhooleAur wahi waqt-e-dua tha shayad
Khoone dil mein to duboya tha qalamAur phir kuch na likha tha shayad
Dil ka jo rang hai ye rang-e-adaPehle aankhon mein racha tha shayad
