حجاب جسم و جاں میں حسن پنہاں دیکھ لیتے ہیںنظر والے تمہیں تا حد امکاں دیکھ لیتے ہیں
اسیر زلف ہو کر روئے جاناں دیکھ لیتے ہیںسواد کفر میں بھی نور ایماں دیکھ لیتے ہیں
زمانہ میرا حاصل ہے میں حاصل ہوں زمانہ کاجو اہل بزم ہیں محفل کا ساماں دیکھ لیتے ہیں
ہمارے ڈوبنے کا واقعہ جب یاد آتا ہےجو ساحل پر بھی ہیں ساحل کا داماں دیکھ لیتے ہیں
دل اس پر آرزو آسودہ ہو جاتا ہے دنیا سےکبھی گر منظر گور غریباں دیکھ لیتے ہیں
گزرتے ہیں جناب شیخ جب مے خانہ سے ہو کرنہیں کہتے زباں سے کچھ مگر ہاں دیکھ لیتے ہیں
ترا ہی جلوہ گو دیر و حرم دونوں میں ہے لیکنجو اہل دل ہیں فرق کفر و ایماں دیکھ لیتے ہیں
زمیں سے آسماں سے گو کہیں بجلی گرے لیکناسیران قفس سوئے گلستاں دیکھ لیتے ہیں
پہنچ جاتے ہیں ہم افقرؔ وہاں ذوق طبیعت سےجو شایان ادب بزم سخنداں دیکھ لیتے ہیں
— افقر موہانی
Hijaab-e-jism-o-jaan mein husn-e-pinhaan dekh lete hainNazar wale tumhein ta hadd-e-imkaan dekh lete hain
Aseer-e-zulf ho kar roo-e-jaanaan dekh lete hainSawad-e-kufr mein bhi noor-e-imaan dekh lete hain
Zamana mera hasil hai main hasil hoon zamana kaJo ahl-e-bazm hain mehfil ka samaan dekh lete hain
Hamare doobne ka waqia jab yaad aata haiJo sahil par bhi hain sahil ka daaman dekh lete hain
Dil us par aarzoo aasooda ho jaata hai duniya seKabhi gar manzar-e-gor-e-ghareebaan dekh lete hain
Guzarte hain janab-e-Shaikh jab mai-khana se ho karNahin kehte zabaan se kuchh magar haan dekh lete hain
Tera hi jalwa go dair o haram donon mein hai lekinJo ahl-e-dil hain farq-e-kufr o imaan dekh lete hain
Zameen se aasmaan se go kahin bijli gire lekinAseeraan-e-qafas soo-e-gulistaan dekh lete hain
Pahunch jaate hain hum Afqar wahaan zauq-e-tabiyat seJo shayaan-e-adab bazm-e-sukhandaan dekh lete hain
