محبت میں خرد کی رہبری دیکھی نہیں جاتییہ توہین مذاق عاشقی دیکھی نہیں جاتی
ہر اک تصویر کی جلوہ گری دیکھی نہیں جاتیوہ صورت دیکھ کر پھر دوسری دیکھی نہیں جاتی
بہار اچھی طرح گلشن میں آئی بھی نہیں لیکناسیروں سے نظر صیاد کی دیکھی نہیں جاتی
دل مضطر مرا پروردۂ آغوش طوفاں ہےخوشی یہ موج ساحل پر کبھی دیکھی نہیں جاتی
مری ہستی کا پردہ بھی مری نظروں سے اٹھ جائےکہ وقت دید جاناں یہ دوئی دیکھی نہیں جاتی
اسے پیتے ہیں آنکھیں بند کرکے بادہ کش زاہدنگاہوں سے یہ شیشہ کی پری دیکھی نہیں جاتی
نگاہ شوق کیا دیکھے گی جلوہ حسن کامل کاجب ادنیٰ سی تجلی طور کی دیکھی نہیں جاتی
نظر جتنی تھی صرف دید جاناں ہو گئی افقرؔکوئی شے اب جہان حسن کی دیکھی نہیں جاتی
— افقر موہانی
Mahabbat mein khirad ki rahbari dekhi nahin jatiYeh tauheen-e-mazaq-e-ashiqi dekhi nahin jati
Har ek tasveer ki jalwa-gari dekhi nahin jatiWoh soorat dekh kar phir doosri dekhi nahin jati
Bahar achhi tarah gulshan mein aai bhi nahin lekinAseeron se nazar sayyad ki dekhi nahin jati
Dil-e-muztar mera parwarda-e-aaghosh-e-toofan haiKhushi yeh mauj-e-sahil par kabhi dekhi nahin jati
Meri hasti ka parda bhi meri nazron se uth jayeKe waqt-e-deed-e-jaanan yeh dui dekhi nahin jati
Usay peete hain aankhen band kar ke bada-kash zahidNigahon se yeh sheeshe ki pari dekhi nahin jati
Nigah-e-shauq kya dekhe gi jalwa-e-husn-e-kamil kaJab adna si tajalli Toor ki dekhi nahin jati
Nazar jitni thi sirf deed-e-jaanan ho gai AfqarKoi shai ab jahan-e-husn ki dekhi nahin jati
