دل سے دم لینے کی مہلت بھی نہیں مانگتے ہیںاب تو ہم حسب ضرورت بھی نہیں مانگتے ہیں
ارے کیا مانگیں گے دنیائے دنی سے ہم لوگہم کہ جو تیری عنایت بھی نہیں مانگتے ہیں
بانوئے حسن کے لکھتے ہیں قصیدے کیا کیااور عوض میں کوئی خدمت بھی نہیں مانگتے ہیں
پاؤں کے نیچے سے نکلی جو زمیں ایک طرفہم تو اب سر پہ کوئی چھت بھی نہیں مانگتے ہیں
دل کی دیواروں سے سر پھوڑتے رہتے ہیں کہ ہمشہر سے سنگ ملامت بھی نہیں مانگتے ہیں
اپنے دامن میں بس امید محبت ہی تو ہےجا کہ اب تجھ سے محبت بھی نہیں مانگتے ہیں
— آفتاب حسین
Dil se dam lene ki mohlat bhi nahin maangte hainAb to hum hasb-e-zaroorat bhi nahin maangte hain
Arre kya maangein ge dunya-e-dani se hum logHum ke jo teri inayat bhi nahin maangte hain
Banu-e-husn ke likhte hain qaseede kya kyaAur ewaz mein koi khidmat bhi nahin maangte hain
Paon ke neeche se nikli jo zameen ek tarafHum to ab sar pe koi chhat bhi nahin maangte hain
Dil ki deewaron se sar phoRte rehte hain ke humShehr se sang-e-malaamat bhi nahin maangte hain
Apne daaman mein bas umeed-e-mohabbat hi to haiJa ke ab tujh se mohabbat bhi nahin maangte hain