مرے ہی خواب کی تعبیر کرنے کے لیے ہےیہ زلف جو مجھے زنجیر کرنے کے لیے ہے
یہ سب طلسم ہر اک حرف و آگہی کا یہ اسمخود اپنے آپ کو تسخیر کرنے کے لیے ہے
دل اپنے آپ ہی آئے گا راہ پر ورنہہزار طرح کی تدبیر کرنے کے لیے ہے
سمجھ میں آتی نہیں جس کو بات ہی میریوہ میری بات کی تفسیر کرنے کے لیے ہے
کوئی نہیں جو کہے حرف دو تسلی کےجسے بھی دیکھیے تقریر کرنے کے لیے ہے
ہمیں تو ہیں کہ جو کھل کھیلتے ہیں آپ کے ساتھزمانہ آپ کی توقیر کرنے کے لیے ہے
ہمیں خبر ہے کہ یہ انہدام ہونے کاکچھ اور طرح کی تعمیر کرنے کے لیے ہے
کہیں لہو میں لرزتا ہے آفتاب حسینؔوہ ایک عکس کہ تصویر کرنے کے لیے ہے
— آفتاب حسین
Mere hi khwab ki taabeer karne ke liye haiYeh zulf jo mujhe zanjeer karne ke liye hai
Yeh sab tilism har ek harf-o-aagahi ka yeh ismKhud apne aap ko taskheer karne ke liye hai
Dil apne aap hi aayega raah par warnaHazar tarah ki tadbeer karne ke liye hai
Samajh mein aati nahin jis ko baat hi meriWoh meri baat ki tafseer karne ke liye hai
Koi nahin jo kahe harf do tasalli keJise bhi dekhiye taqreer karne ke liye hai
Hamein to hain ke jo khul khelte hain aap ke saathZamana aap ki tauqeer karne ke liye hai
Hamein khabar hai ke yeh inhidam hone kaKuch aur tarah ki taameer karne ke liye hai
Kahin lahoo mein larazta hai Aftab HusainWoh ek aks ke tasveer karne ke liye hai