سمجھ میں کچھ نہیں آتا ہے یا سمجھتا ہوںسمجھ سکو تو بتاؤں کہ کیا سمجھتا ہوں
یہ کائنات یہ دنیا تو خیر ایک طرفخود اپنے آپ کو بھی دوسرا سمجھتا ہوں
لگا ہوا ہے تماشہ سا میرے ہونے کااور اس میں اصل تماشہ ہے کیا سمجھتا ہوں
میں چاہتا ہوں کوئی آ کے مجھ کو سمجھائےاگرچہ خود بھی سب اچھا برا سمجھتا ہوں
کبھی سمجھ نہیں پاتا تھا میں زباں تیریاور اب یہ دن کہ اشارہ ترا سمجھتا ہوں
کہاں قرار ملے میری بے قراری کوکہ منزلوں کو بھی منزل نما سمجھتا ہوں
کہاں پہنچنا تھا مجھ کو کدھر نکل آیامیں سوچتا تھا کہ سب سلسلہ سمجھتا ہوں
اور اب کھلا ہے کہ کچھ بھی نہ تھا سمجھنے کوتمام عمر سمجھتا رہا سمجھتا ہوں
— آفتاب حسین
Samajh mein kuch nahi aata hai ya samajhta hoonSamajh sako to bataoon ke kya samajhta hoon
Yeh kainat yeh duniya to khair ek tarafKhud apne aap ko bhi dusra samajhta hoon
Laga hua hai tamasha sa mere hone kaAur is mein asal tamasha hai kya samajhta hoon
Main chahta hoon koi aa ke mujh ko samjhaayeAgarche khud bhi sab achcha bura samajhta hoon
Kabhi samajh nahi pata tha main zubaan teriAur ab yeh din ke ishara tera samajhta hoon
Kahan qaraar mile meri beqarari koKe manzilon ko bhi manzil-numa samajhta hoon
Kahan pahunchna tha mujh ko kidhar nikal aayaMain sochta tha ke sab silsila samajhta hoon
Aur ab khula hai ke kuch bhi na tha samajhne koTamaam umr samajhta raha samajhta hoon