شفا کی خاک تھی یا پھر ہنر کی مٹی تھی – آفتاب حسین

شفا کی خاک تھی یا پھر ہنر کی مٹی تھیسفر میں بھی مرے ہم راہ گھر کی مٹی تھی

یہ دھول بیٹھے کسی دن تو بیٹھ کر سوچیںکہاں اڑی ہوئی تھی کس نگر کی مٹی تھی

کہیں وجود کے اندر بھی کوئی رستہ تھادرون خانہ بھی کچھ رہ گزر کی مٹی تھی

سپیدۂ سحری تھا کہ میری آنکھوں میںغبار خواب تھا اور رات بھر کی مٹی تھی

جو گرد رخ پہ تھی اشکوں نے صاف کی لیکنپڑی رہی یوںہی سر پر جو سر کی مٹی تھی

یہ میں جو دھوپ میں جلتا تھا اور پھلتا تھامری سرشت میں شاید شجر کی مٹی تھی

عجب نہیں جو نہیں مجھ میں انکسار کی خومٹی مٹی سی مرے بام و در کی مٹی تھی

وہ شور جیسے سماعت میں کوئی شورش ہووہ گردباد کہ لگتا تھا شر کی مٹی تھی

مری اڑان کہ تھی سات آسمانوں تکمری نظر میں مرے مستقر کی مٹی تھی

جو گرد اڑی بھی تو مخفی تھی چشم بدبیں سےہمارے عیب میں ایسی ہنر کی مٹی تھی

— آفتاب حسین