یہی نہیں کہ یوںہی گرد اڑاتا رہتا ہوں – آفتاب حسین

یہی نہیں کہ یوںہی گرد اڑاتا رہتا ہوںہوا ہوں اور ہیولے بناتا رہتا ہوں

نظر میں نشہ ہے ان دیکھے منظروں کا بہتسو چلتا رہتا ہوں اور لڑکھڑاتا رہتا ہوں

یہ کیسی دھن میں تھرکتا ہوں تھرتھراتا ہوایہ کون گیت ہے جو گنگناتا رہتا ہوں

میں وہ شجر ہوں جو ماحول کا نہیں پابندہوا چلے نہ چلے سرسراتا رہتا ہوں

جواز مانگیے مت مجھ سے میرے ہونے کایہی بہت ہے جو ہوتا ہواتا رہتا ہوں

پڑا ہوا ہوں پلندہ سا اپنے سامنے میںاور اس پلندے کے پرزے اڑاتا رہتا ہوں

کھلے ہوئے ہیں کئی زخم سینہ و سر میںسو مسکراتا ہوں ہنستا ہنساتا رہتا ہوں

کسی کے دل میں تو اب میری یاد کیا ہوگیبس اپنے آپ کو ہی یاد آتا رہتا ہوں

گئے وہ دن کہ زمانے سے رسم و راہ نہ تھیاب اس طرف بھی بہت آتا جاتا رہتا ہوں

کسی کے نام کی ڈفلی بجا کے دیکھ لیااب اپنے نام کا ڈنکا بجاتا رہتا ہوں

— آفتاب حسین