دل مایوس میں وہ شورشیں برپا نہیں ہوتیںامیدیں اس قدر ٹوٹیں کہ اب پیدا نہیں ہوتیں
مری بیتابیاں بھی جزو ہیں اک میری ہستی کییہ ظاہر ہے کہ موجیں خارج از دریا نہیں ہوتیں
وہی پریاں ہیں اب بھی راجا اندر کے اکھاڑے میںمگر شہزادۂ گلفام پر شیدا نہیں ہوتیں
یہاں کی عورتوں کو علم کی پروا نہیں بے شکمگر یہ شوہروں سے اپنے بے پروا نہیں ہوتیں
تعلق دل کا کیا باقی میں رکھوں بزم دنیا سےوہ دل کش صورتیں اب انجمن آرا نہیں ہوتیں
ہوا ہوں اس قدر افسردہ رنگ باغ ہستی سےہوائیں فصل گل کی بھی نشاط افزا نہیں ہوتیں
قضا کے سامنے بے کار ہوتے ہیں حواس اکبرؔکھلی ہوتی ہیں گو آنکھیں مگر بینا نہیں ہوتیں
— اکبر اللہ آبادی
Dil mayoos mein woh shorishein barpa nahin hoti hainUmmidein is qadar tootein ke ab paida nahin hoti hain
Meri betaabiyan bhi juzv hain ik meri hasti kiYeh zahir hai ke maujein kharij az darya nahin hoti hain
Wahi pariyan hain ab bhi Raja Indar ke akhaade meinMagar shehzada Gulfam par shaida nahin hoti hain
Yahan ki aurton ko ilm ki parwa nahin be-shakMagar yeh shauharon se apne be-parwa nahin hoti hain
Ta'alluq dil ka kya baaqi main rakhun bazm-e-duniya seWoh dilkash sooratein ab anjuman aara nahin hoti hain
Hua hoon is qadar afsurda rang-e-bagh-e-hasti seHawayein fasl-e-gul ki bhi nishaat afza nahin hoti hain
Qaza ke saamne bekar hote hain hawaas AkbarKhuli hoti hain go aankhein magar beena nahin hoti hain
