کوشش پیہم کو سعیٔ رائیگاں کہتے رہوہم چلے اب تم ہماری داستاں کہتے رہو
گفتنی باتیں سہی نا گفتنی باتیں سہیچپ نہ بیٹھو کوئی افسانہ یہاں کہتے رہو
مصلحت کیا بات جو حق ہی وہ کہہ دو برملالاکھ ہوں احباب تم سے بد گماں کہتے رہو
ہم کہ تھے آزاد آزادی کی خاطر مر گئےجینے والو تم قفس کو آشیاں کہتے رہو
صرف کہنے سے زمیں کیا آسماں ہو جائے گیکچھ نہیں ہوگا زمیں کو آسماں کہتے رہو
راہ کیا منزل ہے کیسی ہر حقیقت ہے فریبکارواں کو بھی غبار کارواں کہتے رہو
کیوں کرو اخترؔ کی باتیں وہ تو اک دیوانہ ہےتم تو یارو اپنی اپنی داستاں کہتے رہو
— اختر انصاری اکبر آبادی
Koshish-e-paiham ko sai-e-raegan kahte rahoHum chale ab tum hamari dastan kahte raho
Guftani baaten sahi naguftani baaten sahiChup na baitho koi afsana yahan kahte raho
Maslahat kya baat jo haq hi wo kah do barmalaLakh hon ahbab tum se bad-guman kahte raho
Hum ki the aazad aazadi ki khatir mar gaeJine walo tum qafas ko aashiyan kahte raho
Sirf kahne se zamin kya aasman ho jaegiKuchh nahin hoga zamin ko aasman kahte raho
Rah kya manzil hai kaisi har haqiqat hai farebKarwan ko bhi ghubar-e-karwan kahte raho
Kyun karo 'akhtar' ki baaten wo to ek diwana haiTum to yaro apni apni dastan kahte raho