ایک دل ہمدم مرے پہلو سے کیا جاتا رہاسب تڑپنے تلملانے کا مزا جاتا رہا
سب کرشمے تھے جوانی کے جوانی کیا گئیوہ امنگیں مٹ گئیں وہ ولولہ جاتا رہا
درد باقی غم سلامت ہے مگر اب دل کہاںہائے وہ غم دوست وہ درد آشنا جاتا رہا
آنے والا جانے والا بے کسی میں کون تھاہاں مگر اک دم غریب آتا رہا جاتا رہا
آنکھ کیا ہے موہنی ہے سحر ہے اعجاز ہےاک نگاہ لطف میں سارا گلا جاتا رہا
مر گیا میں جب تو ظالم نے کہا افسوس آجہائے ظالم ہائے ظالم کا مزا جاتا رہا
درد باقی داغ باقی دل ہی پہلو میں نہیںرہ گئے نا آشنا سب آشنا جاتا رہا
جھوٹے وعدوں سے وہ راحت کا سہارا بھی گیاوائے قسمت یاس کا بھی آسرا جاتا رہا
بے تکلف نشۂ مے نے تو ان کو کر دیاپردہ شرمیلی نگاہوں کا مزا جاتا رہا
شربت دیدار سے تسکین سی کچھ ہو گئیدیکھ لینے سے دوا کا درد کیا جاتا رہا
مجھ کو گلیوں میں جو دیکھا چھیڑ کر کہنے لگاکیوں میاں کیا ڈھونڈتے پھرتے ہو کیا جاتا رہا
نیند بھی فرقت میں کھا بیٹھی ہے آنے کی قسمخواب میں بھی دیکھنے کا آسرا جاتا رہا
جب تلک تم تھے کشیدہ دل تھا اشکوں سے بھراتم گلے سے مل گئے سارا گلا جاتا رہا
مرگ دشمن پر کف افسوس تم ملتے تو ہوپھر ملو گے ہاتھ لو رنگ حنا جاتا رہا
شیخ جی ہیں اور شب بھر دخت رز سے اختلاطوہ تقدس ہو چکا وہ التقا جاتا رہا
شوخیاں رگ رگ میں ہیں جمتا وہاں کس کا ہے رنگآتے آتے ہاتھ میں رنگ حنا جاتا رہا
ہائے وہ صبح شب وصل ان کا کہنا شرم سےآپ جب آئے تو دل سے مدعا جاتا رہا
دل وہی آنکھیں وہی لیکن جوانی وہ کہاںہائے اب وہ تاکنا وہ جھانکنا جاتا رہا
میں نے چھاتی سے لگا کر جس کو رکھا عمر بھرہائے وہ نازوں کا پالا دل مرا جاتا رہا
گھورتے دیکھا جو ہم چشموں میں جھنجھلا کر کہاکیا لحاظ آنکھوں کا بھی او بے حیا جاتا رہا
کیا بری شے ہے جوانی رات دن ہے تاک جھانکڈر بتوں کا اک طرف خوف خدا جاتا رہا
کھو گیا دل کھو گیا رہتا تو کیا ہوتا امیرؔجانے دو اک بے وفا جاتا رہا جاتا رہا
— امیر مینائی
Ek dil hamdam mere pehlu se kya jaata rahaSab tarapne tilmilane ka maza jaata raha
Sab karishme the jawani ke, jawani kya gayiWoh umangein mit gayin, woh walwala jaata raha
Dard baaqi, gham salamat hai, magar ab dil kahanHaaye woh gham-dost, woh dard-aashna jaata raha
Aane wala jaane wala be-kasi mein kaun thaHaan magar ik dam-e-gareeb aata raha jaata raha
Aankh kya hai? Mohini hai, sehr hai, i'jaaz haiIk nigaah-e-lutf mein sara gila jaata raha
Mar gaya main jab toh zaalim ne kaha afsos aajHaaye zaalim, haaye zaalim ka maza jaata raha
Dard baaqi, daagh baaqi, dil hi pehlu mein nahinReh gaye na-aashna, sab aashna jaata raha
Jhoote waadon se woh rahat ka sahaara bhi gayaWaaye qismat, yaas ka bhi aasra jaata raha
Be-takalluf nasha-e-may ne toh un ko kar diyaParda sharmeeli nigaahon ka maza jaata raha
Sharbat-e-deedaar se taskeen si kuch ho gayiDekh lene se dawa ka dard kya jaata raha
Mujh ko galiyon mein jo dekha chhed kar kehne lagaKyun Miyan? Kya dhoondhte phirte ho, kya jaata raha
Neend bhi furqat mein kha baithi hai aane ki qasamKhwaab mein bhi dekhne ka aasra jaata raha
Jab talak tum the kashida, dil tha ashkon se bharaTum gale se mil gaye, sara gila jaata raha
Marg-e-dushman par kaf-e-afsos tum milte toh hoPhir milo ge haath lo, rang-e-hina jaata raha
Shaikh ji hain aur shab bhar dukht-e-raz se ikhtilaatWoh taqaddus ho chuka, woh iltiqa jaata raha
Shokhiyan rag rag mein hain, jamta wahan kis ka hai rangAate aate haath mein rang-e-hina jaata raha
Haaye woh subh-e-shab-e-wasl, un ka kehna sharm seAap jab aaye toh dil se mudda'a jaata raha
Dil wahi, aankhein wahi, lekin jawani woh kahanHaaye ab woh taakna, woh jhaankna jaata raha
Main ne chhaati se laga kar jis ko rakha umr bharHaaye woh naazon ka paala dil mera jaata raha
Ghoorte dekha jo ham-chashmon mein jhinjhlakar kahaKya lihaaz aankhon ka bhi O be-haya, jaata raha
Kya buri shai hai jawani, raat din hai taak jhaankDar buton ka ik taraf, khauf-e-khuda jaata raha
Kho gaya dil kho gaya, rehta toh kya hota Ameer!Jaane do ik bewafa jaata raha jaata raha
