تیر پر تیر لگاؤ تمہیں ڈر کس کا ہےسینہ کس کا ہے مری جان جگر کس کا ہے
خوف میزان قیامت نہیں مجھ کو اے دوستتو اگر ہے مرے پلے میں تو ڈر کس کا ہے
کوئی آتا ہے عدم سے تو کوئی جاتا ہےسخت دونوں میں خدا جانے سفر کس کا ہے
چھپ رہا ہے قفس تن میں جو ہر طائر دلآنکھ کھولے ہوئے شاہین نظر کس کا ہے
نام شاعر نہ سہی شعر کا مضمون ہو خوبپھل سے مطلب ہمیں کیا کام شجر کس کا ہے
صید کرنے سے جو ہے طائر دل کے منکراے کماندار ترے تیر میں پر کس کا ہے
میری حیرت کا شب وصل یہ باعث ہے امیرؔسر بہ زانو ہوں کہ زانو پہ یہ سر کس کا ہے
— امیر مینائی
Teer par teer lagao tumhein dar kis ka haiSeena kis ka hai meri jaan jigar kis ka hai
Khauf-e-meezan-e-qayamat nahin mujh ko ae dostTu agar hai mere palle mein to dar kis ka hai
Koi aata hai adam se to koi jata haiSakht donon mein Khuda jaane safar kis ka hai
Chhup raha hai qafas tan mein jo har tair-e-dilAankh khole hue shaheen nazar kis ka hai
Naam shayar na sahi shair ka mazmoon ho khoobPhal se matlab hamein kya kaam shajar kis ka hai
Said karne se jo hai tair-e-dil ke munkirAe kamandaar tere teer mein par kis ka hai
Meri hairat ka shab-e-wasl ye bais hai AmeerSar ba zanu hoon ke zanu pe ye sar kis ka hai
