نظر اٹھا کے جو دیکھا ادھر کوئی بھی نہ تھاسلگتی دھوپ کی سرحد پہ گھر کوئی بھی نہ تھا
ہر ایک جسم تھا اک پوسٹر شعاعوں کاسلگتے دشت میں ٹھنڈا شجر کوئی بھی نہ تھا
چمکتے دن میں تو سب لوگ ساتھ تھے لیکناداس شب میں مرا ہم سفر کوئی بھی نہ تھا
ہر ایک شہر میں تھا اضطراب کا آسیبجہاں سکون ہو ایسا نگر کوئی بھی نہ تھا
سبھی کو فن جراحت سے واقفیت تھیہماری طرح وہاں بے ہنر کوئی بھی نہ تھا
سب اپنے کمروں میں مستی کی نیند سوئے تھےسیاہ شب میں سر رہ گزر کوئی بھی نہ تھا
جو تلخ شام کے سایوں کو قتل کر دیتاتمام شہر میں اتنا نڈر کوئی بھی نہ تھا
مرے زوال کی سب کو تھی آرزو اسعدؔمرے کمال سے خوش دل مگر کوئی بھی نہ تھا
— اسعد بدایونی
Nazar utha ke jo dekha udhar koi bhi na thaSulagti dhoop ki sarhad pe ghar koi bhi na tha
Har ek jism tha ek poster shu'aon kaSulagte dasht mein thanda shajar koi bhi na tha
Chamakte din mein to sab log saath the lekinUdaas shab mein mera humsafar koi bhi na tha
Har ek shahar mein tha iztiraab ka aasebJahan sukoon ho aisa nagar koi bhi na tha
Sabhi ko fan-e-jarahat se waaqifiyat thiHamari tarah wahan be-hunar koi bhi na tha
Sab apne kamron mein masti ki neend soye theSiyah shab mein sar-e-rahguzar koi bhi na tha
Jo talkh shaam ke saayon ko qatl kar detaTamam shahar mein itna nadar koi bhi na tha
Mere zawaal ki sab ko thi aarzoo As'adMere kamaal se khush dil magar koi bhi na tha