سینے میں ان کے جلوے چھپائے ہوئے تو ہیںہم اپنے دل کو طور بنائے ہوئے تو ہیں
تاثیر جذب شوق دکھائے ہوئے تو ہیںہم تیرا ہر حجاب اٹھائے ہوئے تو ہیں
ہاں کیا ہوا وہ حوصلۂ دید اہل دلدیکھو نا وہ نقاب اٹھائے ہوئے تو ہیں
تیرے گناہ گار گنہ گار ہی سہیتیرے کرم کی آس لگائے ہوئے تو ہیں
اللہ ری کامیابی آوارگان عشقخود گم ہوئے تو کیا اسے پائے ہوئے تو ہیں
یوں تجھ کو اختیار ہے تاثیر دے نہ دےدست دعا ہم آج اٹھائے ہوئے تو ہیں
ذکر ان کا گر زباں پہ نہیں ہے تو کیا ہوااب تک نفس نفس میں سمائے ہوئے تو ہیں
مٹتے ہوؤں کو دیکھ کے کیوں رو نہ دیں مجازؔآخر کسی کے ہم بھی مٹائے ہوئے تو ہیں
— اسرار الحق مجاز
Seene mein un ke jalwe chhupaye hue to hainHum apne dil ko Toor banaye hue to hain
Taaseer-e-jazb-e-shauq dikhaaye hue to hainHum tera har hijaab uthaye hue to hain
Haan kya hua woh hausla-e-deed-e-ahl-e-dilDekho na woh niqaab uthaye hue to hain
Tere gunahgaar gunahgaar hi sahiTere karam ki aas lagaye hue to hain
Allah re kaamyabi-e-aawargaan-e-ishqKhud gum hue to kya usay paaye hue to hain
YooN tujh ko ikhtiyaar hai taaseer de na deDast-e-dua hum aaj uthaye hue to hain
Zikr un ka gar zubaan pe nahin hai to kya huaAb tak nafas nafas mein samaaye hue to hain
Mittay huon ko dekh ke kyun ro na dein MajaazؔAakhir kisi ke hum bhi mitaaye hue to hain
