کبھی ملی جو ترے درد کی نوا مجھ کوخموشیوں نے مجھی سے کیا جدا مجھ کو
بدن کے سونے کھنڈر میں کبھی جلا مجھ کومیں تیری روح کی ضو ہوں نہ یوں بجھا مجھ کو
میں اپنی ذات کی ہم سائیگی سے ڈرتا ہوںمرے قریب خدا کے لیے نہ لا مجھ کو
میں چپ ہوں اپنی شکست صدا کی وحشت پرمجھے نہ بولنا پڑ جائے مت بلا مجھ کو
یہ میں تھا یا مرے اندر کا خوف تھا جس نےتمام عمر دی تنہائی کی سزا مجھ کو
بھٹک رہا ہوں میں بے سمت راستوں کی طرحکسی بھی سمت کا ہو راستہ دکھا مجھ کو
ہر اک نے دیکھا مجھے اپنی اپنی نظروں سےکوئی تو میری نظر سے بھی دیکھتا مجھ کو
سمو کے آنکھوں میں امڈی گھٹائیں اے آزادؔوہ ایک درد کا صحرا بنا گیا مجھ کو
— آزاد گلاٹی
Kabhi mili jo tere dard ki nawa mujh koKhamoshiyon ne mujhi se kiya juda mujh ko
Badan ke soone khandhar mein kabhi jala mujh koMain teri rooh ki zau hoon na yun bujha mujh ko
Main apni zaat ki humsaayegi se darta hoonMere qareeb Khuda ke liye na la mujh ko
Main chup hoon apni shikast-e-sada ki wahshat parMujhe na bolna pad jaaye mat bula mujh ko
Ye main tha ya mere andar ka khauf tha jis neTamam umr di tanhai ki saza mujh ko
Bhatak raha hoon main be-simt raston ki tarahKisi bhi simt ka ho rasta dikha mujh ko
Har ek ne dekha mujhe apni apni nazron seKoi to meri nazar se bhi dekhta mujh ko
Samo ke aankhon mein umdi ghatayein ae Azad,Woh ek dard ka sehra bana gaya mujh ko