میں اپنے آپ سے اک کھیل کرنے والا ہوںسبھی یہ سوچ رہے ہیں کہ مرنے والا ہوں
کسی کی یاد کا مہتاب ڈوبنے کو ہےمیں پھر سے شب کی تہوں میں اترنے والا ہوں
سمیٹ لو مجھے اپنی صدا کے حلقوں میںمیں خامشی کی ہوا سے بکھرنے والا ہوں
مجھے ڈبونے کا منظر حسین تھا لیکنحسین تر ہے یہ منظر ابھرنے والا ہوں
حیات فرض تھی یا قرض کٹنے والی ہےمیں جسم و جاں کی حدوں سے گزرنے والا ہوں
میں ساتھ لے کے چلوں گا تمہیں اے ہم سفرومیں تم سے آگے ہوں لیکن ٹھہرنے والا ہوں
صدائے دشت سہی میری زندگی آزادؔخلائے دشت کو اپنے سے بھرنے والا ہوں
— آزاد گلاٹی
Main apne aap se ik khel karne wala hoonSabhi yeh soch rahe hain ke marne wala hoon
Kisi ki yaad ka mehtaab doobne ko haiMain phir se shab ki tehonn mein utarne wala hoon
Sameet lo mujhe apni sada ke halqon meinMain khamoshi ki hawa se bikharne wala hoon
Mujhe dubone ka manzar haseen tha lekinHaseen tar hai yeh manzar ubharne wala hoon
Hayat farz thi ya qarz katne wali haiMain jism-o-jaan ki hadon se guzarne wala hoon
Main saath le ke chalunga tumhein aye hum safaroMain tum se aage hoon lekin theherne wala hoon
Sada-e-dasht sahi meri zindagi 'Azad'Khala-e-dasht ko apne se bharne wala hoon