محبت مستقل کیف آفریں معلوم ہوتی ہےخلش دل میں جہاں پر تھی وہیں معلوم ہوتی ہے
ترے جلووں سے ٹکرا کر نہیں معلوم ہوتی ہےنظر بھی ایک موج تہ نشیں معلوم ہوتی ہے
نقوش پا کے صدقے بندگئ عشق کے قرباںمجھے ہر سمت اپنی ہی جبیں معلوم ہوتی ہے
مری رگ رگ میں یوں تو دوڑتی ہے عشق کی بجلیکہیں ظاہر نہیں ہوتی کہیں معلوم ہوتی ہے
یہ اعجاز نظر کب ہے یہ کب ہے حسن کی کاوشحسیں جو چیز ہوتی ہے حسیں معلوم ہوتی ہے
امیدیں توڑ دے میرے دل مضطر خدا حافظزبان حسن پر اب تک نہیں معلوم ہوتی ہے
اسے کیوں مے کدہ کہتا ہے بتلا دے مرے ساقییہاں کی سر زمیں خلد بریں معلوم ہوتی ہے
ارے اے چارہ گر ہاں ہاں خلش تو جس کو کہتا ہےیہ شے دل میں نہیں دل کے قریں معلوم ہوتی ہے
کسی کے پائے نازک پر جھکی ہے اور نہیں اٹھتیمجھے بہزادؔ یہ اپنی جبیں معلوم ہوتی ہے
— بہزاد لکھنوی
Mohabbat mustaqil kaif aafreen maloom hoti haiKhalish dil mein jahan par thi wahin maloom hoti hai
Tere jalwon se takra kar nahin maloom hoti haiNazar bhi ek mauj teh nasheen maloom hoti hai
Naqoosh-e-pa ke sadqe bandagi-e-ishq ke qurbanMujhe har simt apni hi jabeen maloom hoti hai
Meri rag rag mein yoon toh daudti hai ishq ki bijliKahin zahir nahin hoti kahin maloom hoti hai
Yeh ejaz-e-nazar kab hai yeh kab hai husn ki kawishHaseen jo cheez hoti hai haseen maloom hoti hai
Ummedein tod de mere dil-e-muztar Khuda hafizZuban-e-husn par ab tak nahin maloom hoti hai
Usay kyun mai-kada kehta hai batla de mere saqiYahan ki sar-zameen khuld-e-bareen maloom hoti hai
Are aye chara-gar haan haan khalish toh jis ko kehta haiYeh shai dil mein nahin dil ke qareen maloom hoti hai
Kisi ke paaye nazuk par jhuki hai aur nahin uthtiMujhe Behzad yeh apni jabeen maloom hoti hai
