اسانوں کے پتہ کیہڑی مسجد تے کیہہ کلیسے تے کیہڑے مندراساں محبت دی م کڈھ کے تے ح نوں دے کے
تے "د" لا کے خدائے احمد دی حمد کیتیاساں تاں پکھواں نوں پیار کیتا
اساں تاں جنگلاں نوں سینے لایااساں تاں دریا دا گُھٹ چا بھریا
اساں تاں ریتاں تے سجدے کیتےاساں نہ ڈِٹھا اساں نہ سنڑیا، اساں نہ بولے
اساں کٹیجے اساں مریجےاساڈیاں ہڈیاں دا سرمہ بنڑ کے ہوا دی اکھ اچ پویندا وتیا
اسانوں کے پتہ کونڑ نیوٹن تے کیہڑے حرکت دے فارمولےاسانوں پتہ اے جوں سِدھا ونجڑائے
نیو کے ٹرنائے تے اکھ نئیں پٹنڑیںاسانوں کے پتہ ریڈ بلڈ سیل وغیرہ کے ہن
اسانوں پتہ اے جوں خون رتا اے تے اتنا رتا اےجوں تیرے ہتھاں تے مہندی لگسی
اسانوں پتہ اے جوں فیثا غورث تِرے بدن دےریاضیاتی اصول بالکل سمجھ نئیں سگیا
تیرے بدن دے تاں زاویےمستطیلاں قوساں مثلثاں بئے جہان دیاں ہن
اسانوں پتہ اے جوں صرف توں ہیںاسانوں پتہ اے جہان دھوں ہیں
اسانوں پتہ اے جوں کائناتاں دا روگ کیویں مکاونڑاں ہےاسانوں پتہ اے جوں توں اداس ہیں
تے تینوں کیویں ہساونڑاں ہے
— دانش نقوی
Asanwan ke pata kehri masjid te keh kalese te kehre mandirAsan mohabbat di meem kaddh ke te he noon de ke
Te "daal" la ke khudai Ahmad di hamd keetiAsan taan pakhoowan noon pyar keeta
Asan taan janglaan noon seene laayaAsan taan darya da ghutt cha bharya
Asan taan reetaan te sajde keeteAsan na ditt'a asan na sunr'ya, asan na boley
Asan katteeje asan mareejeAsaddiyan haddiyan da surma banr ke hawa di akh ach pavainda watiya
Asanwan ke pata koan Newton te kehre harkat de formuleAsanwan pata ae joan sidha wanjran'ye
Neev ke turnaye te akh nahin patnanAsanwan ke pata red blood cell wagaira ke han
Asanwan pata ae joan khoon rata ae te itna rata aeJoan tere hathan te mehndi lagasi
Asanwan pata ae joan Pythagoras tere badan deRiyaziyati usool bilkul samajh nahin sakaya
Tere badan de taan zawiyyeMustateelaan, qausaan, musallasaan bye jahaan diyan han
Asanwan pata ae joan sirf toon hainAsanwan pata ae jahaan dhuan hain
Asanwan pata ae joan kainatan da rog kivein makawanra haiAsanwan pata ae joan toon udaas hain
Te tainoon kivein hasawanra hai