ذہن میں دائرے سے بناتا رہا دور ہی دور سے مسکراتا رہا – غلام محمد قاصر

ذہن میں دائرے سے بناتا رہا دور ہی دور سے مسکراتا رہامیں سمندر نہیں چاند کو علم ہے رات بھر پھر بھی مجھ کو بلاتا رہا

آنکھ میں خیمہ زن نیلگوں وسعتیں اپنا پہلا قدم ہی خلاؤں میں ہےجو جفا کے جزیرہ نماؤں میں ہے دل کا اس خاک خستہ سے ناتا رہا

کج ادائی کی چادر سے منہ ڈھانپ کر سونے والا سر شام ہی سو گیاخشک یادوں کے پتوں بھرے کھیت میں سانپ سا رات بھر سرسراتا رہا

دیر تک زرد آندھی سی چلتی رہی سانس بجھتی رہی شمع جلتی رہیجاں پگھلتی رہی رات ڈھلتی رہی میں نہ روٹھا مگر وہ مناتا رہا

ان سنی سی صداؤں کے گھیرے میں تھا دیکھتے دیکھتے گھپ اندھیرے میں تھاوہ مجھے پا کے دنیا کے بخشے ہوئے سب کے سب کھوٹے سکے چلاتا رہا

آزمائش میں ہے وہ گھڑی عید کی چاند نے جس کے آنے کی تائید کیاک پھٹے پیرہن پر پسینے کی تہہ ایک گھر خوشبوؤں میں نہاتا رہا

— غلام محمد قاصر