شوق کے خواب پریشاں کی ہیں تفسیریں بہتدامن دل پر ابھر آئی ہیں تصویریں بہت
دوستوں کی بزم میں کچھ سوچ کر لب سی لیےورنہ دامان تصور میں ہیں تقریریں بہت
زندگی تیرے لیے دفتر کہاں سے لائیےچند بوسیدہ ورق ہیں اور تحریریں بہت
خواہشیں ہی خواہشیں ہیں حسرتیں ہی حسرتیںدل سا دیوانہ سلامت ہے تو زنجیریں بہت
بات اتنی ہے کوئی ہو تو سزاوار صلیباس گئے گزرے زمانے میں بھی تعزیریں بہت
زندگی کی تلخ تر سچائیوں کا کیا علاجیوں تو اہل مصلحت کرتے ہیں تدبیریں بہت
کاروبار شوق کی حاصل ہیں وہ پسپائیاںجن پہ تاباںؔ ناز فرماتی ہیں تقدیریں بہت
— غلام ربانی تاباں
Shauq ke khwab-e-pareshan ki hain tafseerain bahutDaman-e-dil par ubhar aayi hain tasveerain bahut
Doston ki bazm mein kuch soch kar lab si liyeWarna daman-e-tasawwur mein hain taqreerain bahut
Zindagi tere liye daftar kahan se laiyeChand boseeda waraq hain aur tehreerain bahut
Khwahishain hi khwahishain hain hasratain hi hasratainDil sa deewana salamat hai to zanjeerain bahut
Baat itni hai koi ho to sazawar-e-saleebIs gaye guzre zamane mein bhi ta'zeerain bahut
Zindagi ki talkh-tar sachchaiyon ka kya ilajYun to ahl-e-maslihat karte hain tadbeerain bahut
Karobar-e-shauq ki hasil hain woh paspaiyanJin pe Tabaan naaz farmati hain taqdeerain bahut